لا لا لا لن اتزوج فتاه نت

بسم الله الرحمن الرحيم
السلام عليكم ورحمة الله وبركاتة
الموضوع اليوم خطيرجدا ويحتاج مشاركتك اخي / أختي
قد نرى مشاركات من الاخوات أكثر
-----------------
بسم الله نبداء
لن اتزوج فتاة تكتب بالمنتديات

لن أتزوج فتاة تكتب بالمنتديات
نقلت لكم هذه الموضوع لانه بالفعل يحتاج النقاش

جات اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك
الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعتا مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقضتها.........................

وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون رقاع الدعوة لليلة الفرح الموعودة

ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام؟؟؟؟؟؟؟

قال زميله خطيبتك كاتبه في منتدى بالاسم الفلاني ؟

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان ندلف الى المنتدى لنشاهد مواضيع خطيبتك ؟

قال العريس والعرق يتصبب ولما لا؟

فتح الزميل المنتدى استخرج بالبحث جميع مواضيعها ثم بدأ الاثنان في التصفح

فهاهي ترد على فلان وتشكر فلان وتتناقش مع فلان وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه بالثناء والشكر

احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم

خطيبتي قالت امها لامانع اخذت البنت الهاتف وقلبها يخفق ويداها ترتجفان تخشى

من سماع الكلام المعسول او ان لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد

هل انتي الكاتبة الفلانية في المنتدى الفلاني ؟؟؟؟؟؟؟

قالت نعم انا هي

قاطع حديثها وقال اسف انا لا اتزوج فتاة انتر نت

وأطبق السماعة.......................................

حالة قد تمر يوما ما على فتى او فتاة

فما موقفكم ؟ بكل صدق وتجرد انت يا ايها الرجل؟

1-اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟؟؟؟؟؟؟؟؟

2-هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ،،،،

3-بنظرك ،،،، هل كل فتاة تستخدم النت لابد أن يكون لها صديق أو 000000 ؟؟؟؟؟؟؟؟؟؟؟؟

4-ترى ماهي بنظرك الحدود التي يجب أن تقف عندها الفتاة ،،،حتى لايسيء استخدامها للنت اخلاقهااااااااا ؟؟؟؟؟؟؟؟؟

5-ماهو الخط الاحمر الذي يجب ان تقف عنده الفتاة وتقول للانترنت ،،،وداعااااااااا ؟؟؟؟؟؟؟؟؟؟؟

6-انت كشاب تستخدم النت وتكتب بمنتديات ،،،هل تسمح بمن تعولهم من زوجة او اخت او ابنة ان يستخدمو النت تحت اشرافك او بدون اشراف او تمنعهم ؟؟؟؟؟؟؟

اخوااااااااااني الافاضل تأكدو ان الاجابات الصادقة لهذا الاسئلة سوف تخدم اخوات لكم بشكل كبير ،،،،،،،، فلا تترددو بالرد عليها دون محاباة او مجاملة ،،، ولتضع امام عينك مراقبة الله لك في كتابتك ورأيك ،،،

hop

الحلال بين والحرام بين
لو انا بكتب شيء غير مفيد فانا استحق السوء والعقاب
واذا كنت اكتب شيء مفيد لله فقط لا اريد من وراءة مكسب فاظن ان دة شيء حسن يتمناة الجميع
وربنا امرنا اننا نسيب في دنيانا قبل ما نموت علم ينتفع به واظن ان اي موضوع هنا في المنتدي علمي اي حد نزلة هو علم ذو منفعة عامة للجميع انما المنتديات التافهه هي من يطبق عليها هذا الكلام
واكيد كل واحدة عارفة الصح من الغلط وتقدر تعمل حدود لنفسها ولمن يتعامل معها

اشكرك علي الموضوع الهام وربنا يكرمك يارب

سبحانك اللهم وبحمدك نشهد ان لا اله الا انت نستغفرك ونتوب اليك

السلام عليكم
اولا اشكرك علي طرح الموضوع القيم والفكرة الرائعة للمناقشة
وكل شخص له فكرتة ورأية

وانا هقول رأيي الشخصي

اولا بصفه عاملة اي شاب يتمني ان زوجتة تكون له فقط ولم تكن لغيرة من قبل ويحب جدا يتاكد من كدة ولا مانع من وجود تجربة اتعلمنا منها المهم نتعلم افضل من اننا نتمادي في الخطأ

مش اي بنت بتدخل نت هي مش محترمة او او او
لان النت فية فوائدة وفي اضرارة للجنسين شباب وبنات
وقدامنا الطريقين الخير والشر واحنا نختار
واظن لو البنت مدخلتش النت هتتحرم من معلومات كتير هتفيدنا ودة يكون من مظاهر الجهل عن فوائد النت
يعني اكيد النت مهم في حياة اي شخص اذا كان بيستخدمة في الخير والعلم والمنفعة
طيب احنا ممكن نعمل تصنيف
الكلام زي ما قالتلة سندريلا مظبوط تمام
ناس داخلين يستفيدوا
ناس داخلين يستفيدوا ويفيدوا
ناس داخلة تضيع وقت
ناس داخلة للحرام

الجزء الاول بيستفيد ويخرج ودة نحسبة مجرد مستخدم مؤقت

الفئة الثانية بتستفيد وهدفها انها تعمل خير بانها زي ما افادت تفيد ويكون لها الثواب والجزاء والحسنات عند الله زي اللي بيعملوة سندريلا ولؤلؤة وميديكال في القسم الاسلامي والاقسام العلمية ماشاء الله
الفئة دي كلنا نفتخر اننا نعرفهم لانهم معروفين بافادتهم للناس وبنشرهم للعلم ودة لاحظتة من الدكاترة اللي بيطلعوا علي موضوعاتنا في المنتدي وبيشجعونا
هل الناس دي بتغلط في شيء ؟؟؟؟؟؟
اطلاقا
وانا اول الناس اتمني ارتبط بواحدة همها تفيد الناس لانها بكدة اثبتت انها بتحب الناس اكثر من نفسها يعني مش انانية وكمان بتحب تعمل خير لله يعمي بتحب ربنا ومش منتظرة مقابل يعني هتصون بيتك بدون مقابل وحاجات كتييييييير جدا

اما الفئة الثالثة الناس الفاضية اللي بتضيع وقت
دول ممكن ينطبق عليهم الموضوع دة اللي حضرتك كاتباه وانا اول واحد بردو عمري ما افكر في واحدة منهم
مين هما ؟؟؟؟؟
بعض المنتديات اللي ملهاش لازمة اللي بتدل علي تخلف الشعب العربي وشبابة ليس لها اي قيمة نفعية علي الشبكة الا انها بتضيع وقتك وتتسلى
هتلاقها كلها مواضيع حب صور اغاني افلام العاب
وكل النقاشات في مشاكل الحب ودي بتحب دة ودة بيحب دي وانا بحب واحد وانا متجوزة وانا بحب اتنين واللي داخل يدخل علي عقل الناس بكلمتين عشان يعرفهم فترة وخلاص وحاجات كتير جدا
ودة في الاول وفي الاخر بييجي من شخصية الانسان
لو انتي عملتي حدود للتعامل مع الاعضاء مش تتمادي العلاقة للموبيلات وفي الاخر نتقابل الا اذا كنت تعرف الشخص دة من قبل تعارف النت لانك عمرك ما تعرفة من خلال النت لانة حاجز عنك كل حاجة عن الشخصية الحقيقية

انا اشتركت فعلا في منتديات من دي وشوفت منها الكويس اللي متأقلمش مع الجو الفاسد وسابة وبعد عنة واللي كمل لان الجو دة مناسب لية وهو راضي وسعيد جدا بكدة وغير كدة ان معظم البنات اللي عرفتهم من المنتدى اللي بلشكل دة حقيقة يعني تقابلت معاهم وكلمتهم مكنوش فتاه نت وبس لا كانت بتعرف كتير قوي وكلهم اصحابها ومفيش حدود للتعامل وقطعت علاقتي بيهم تماما

يعني من الاخر معروف وباين قوي الكويس من الفاسد وكل واحد عارف نفسة بيعمل صح ولا غلط وفاهم كويس

الفئة الاخير بقي اللي داخلين للحرام دول ربنا يبعدنا عنهم ويهديهم

اسف اني طولت لكن الموضوع فعلا محتاج مناقشة
شكرا ليكي علي الموضوع القيم

اعتقد ان اسلام استوفى جميع النقاط
وانا تقريبا رايى زى رايه

وانا اتسالت هذا السوال من كام يوم
بس بره المنتدى
وجاوبت نفس الاجابه

شكرا ياجماعه على رودودكم الجميله والمفيده
انا طرحت الموضوع ده عشان اعرف وجه نظر الشباب بالزات
وشكرا ليكم كلكم

أولا أنا آسف إني دخلتا لموضوع ده متأخر

ثانيا طبعا اسلام فعلا استوفى كل حاجة زي ما دكتور محمد قال

بس في اضافة احب اضيفها و دي عن تجربة شخصية

اسلام قال ان الفتاة اللي داخلة منتديات بغرض الترفيه وخلاص دي يبقى متنفعش تكون زوجة

انا معاه في النقطة دي بس مش كل البنات
انا عرفت بنات من عالنت و كان دخولهم كله للعب وبس - بس لما قابلتهم و عرفتهم على حقيقتهم اكتشفت انهم جادين جدا و بيخشوا لمجرد انهم يخففوا من ضغوط الحياة عليهم

و في النهاية مش كل زواجات النت بتفشل ومش كلها طبعا بتنجح

بس لو حصل و واحد حب واحدة حب حقيقي من ع النت

افضل حاجة يعملها ساعتها هي صلاة الاستخارة

وساعتها ربنا هو اللي هيهديه لطريق الصح

لو كانت بنت صالحة فعلا ربنا هييسره طريقه
ولو غير كدة لا سمح الله ربنا هيبعده عنها

و آسف ع الاطالة

هذا الموضوع جدير بالمناقشة ويستحق الاهتمام وعملية اختيار الزوجة تحكمها مجموعة من الاعتبارات الاجتماعيةوالثقافية وعملية الكتابة والاشتراك في المواقع المختلفة لايعكس واقع الفتاة

ميرسي لرائيك ومشاركتك بالموضوع استاذ وادي
ونتمني نراك معنا دائما flower

هذه اول مشاركة لي في هذا المندى واناشاكر لكم اهتمامكوا بلرد وشكرا

مووضع جميل فعلا
وتسلم الايادى
وانا ما فى كلام اكتر من اللى الخوه اتشرفوا وقالوه

بس عاوز اقول
ان الواحد او الواحده
مش لازم النت
الزمن هو الزمن وكل حاجه زى ما هى
النت ده وسيله اى ان كانت
فبايدك انت تستخدمها صح او تستخدمها غلللللللللط

م ممكن الموبايل وتلاقى فيه اراقم ناس زمايهل وبتكلمها ومنهم اللى بيستخدمه غلط وحاجات كتير انا بقول مثلا بس مش اكتر
واللى يشوفه ويصور ويعمل بيه حاجات كتيييييييييييييييييييييير

النت ده وسيله مهما كانت ومهما كانت مساوئها او الردود حواليها
فالاساس نفسه على اللى بيستخدم الحاجه نفسها

مفيش حاجه كامله
مفيش حاجه كلها حلوه او كلها وحشه
بس الاستخدام او اللى بتخده وبتستخدمه منها هو اللى بيديك وبيوضح لك ةوحسب استخدامك ومتطلباتك...

وشكرا على الموضوع الجميل والقيم