انسانة وجودها دليل علي استمرار وجود الخير في الناس ماذا تستتحق ؟؟

انسانة وجودها دليل علي استمرار وجود الخير في الناس ماذا تستتحق ؟؟ 072ku

الموضوع دة انا حبيت احطة لانة غير فيا حاجات كتير قوي
لما تحس ان قدامك مبقاش في خير وان كل الناس بتحاول تقضي علية
وان اي انسان طيب بيتقال علية عبيط واهبل اكيد دة كلة بيأثر فيك
وحتي لو حد قرب منك وعاملك بحب متقدرش تفرق بين الكويس وبين اللي عايز منك مصلحة
لان فعلا دلوقتي بقت الحاجة الساائدة المصلحة وعشانها الناس بتكذب وتنافق وبتعمل حاجات كتير قوي وبعد ما تاخد مصلحتك ولا كأنك تعرفة
طب هل دة يدل علي ان فعلا الخير انتهي
انا جالي وقت فعلا حسيت بدة
وحسيت ان علامات الساعة قربت تظهر
الشر فعلا طغى علي الخير قوي وخلاها ضعيف مش ظاهر
بس هل معني دة ان مفيش خير
انا اعتقدت كدة
بس ربنا بعتلي رسالة في صورة انسان تقولي فوق الخير لسة موجود
ومش اي حد بيعرفك بيعرفك عشان مصلحة او هدف
لا
لسة في خير لحد دلوقتي في ناس ممكن تساعد ناس بدون مقابل لوجة الله تعالي
بس ففكرتي دي كانت غصب عني لان معظم الناس محدش اداني حاجة كدة تقريبا كتير كان بيطلب حاجة في المقابل عشان كدة بقيت بتعامل اني ادي الاول عشان اخد وحسيت خلاص ان مبقاش في خير
بس الحمد لله ان لسة في خير موجود ومش كلة راح لكن للاسف هو مختفي او مش ظاهر والشر هو اللي سائد
مش هطول وهقول الموضوع باختصار
اننا في الكلية كان مطلوب مننا ادوات لقسم المساحة غالية شوية
يعني مثلا 8 اقلام كل قلم بخمسين جنية ومساطر وحاجات كتير تقريبا مجموعهم يدخل في الف جنية
طبعا مش كل الناس قادرين علي انهم يشتروا الادوات دي وطبعا الدكتور لية ان كل واحد يكون معاة الادوات كاملة بس
تقريبا الادوات دي كانت عملالي مشكلة لاني حطيت الفلوس في حاجات تانية كانت ضرورية بالنسبة لي ومكنش ينفع اضغط علي والدي في الفلوس يكفي انة ساعدني كتير قوي واكيد هو لية التزامات كتير جدا فصعب اضغط علية
المهم صدفة بتكلم عادي مع انسانة عمري ما شوفتها ولا كلمتها مباشرة كل تعاملنا من خلال الموقع هنا او الايميل ومفيش ما بينا اي مصلحة كان كل تعاملنا بسيط جدا وفي حدود
هي تقريبا في نفس كليتنا بس جامعة تانية بنتناقش في المواد والادوات وبكلمها ان الادوات غالية وكدة
فقالتلي انها هتبعتلي قلم من الادوات دي هو عندها
طب اية اللي يخلي حد ميعرفكش ولا لية عندك اي مصلحة يبعتلك قلم بخمسين جنية
وقعدت يومها وقت طويل اتحايل عليها اني ابعتلها ثمنة او اي شيء في المقابل وهي مصرة علي الرفض
ولحد ما وصلني القلم مكنتش مصدق انة هيوصلني لان الموقف دة محصليش قبل كدة
الموقف دة اثبتلي ان الخير لسة موجود في الناس
وفعلا انا دلوقتي حاسس ان ربنا بعتلي الانسانة دي عشان تثبتلي دة عشان مغلطش تاني واقول ان مفيش خير
وبردو لحد دلوقتي لا شوفتها ولا كلمتها ولا لينا تعامل الا من خلال الميل
بجد الانسانة دي
انا عاجز اني اشكرها لان الشكر دة حاجة قليلة جدا في حقها
بس انا اشكر ربنا انة بعتلي الرسالة دي واتعلمت منها كتير قوي
واكيد الانسانة اللي زي دي اللي ربنا اختارها عشان تكون اثبات للخير في االارض ربنا هيكرمها جدا وييسرلها طريقها
وانا كل ما بأيدي اني ادعيلها ان ربنا يوفقها في كل شيء حياتها ومستقبلها ودراستها وتستمر علي الخير مهما واجهتها الدنيا
لو كان بايدي اعمل تكريم ليها كنت عملتة بس بردو دة شيء قليل جدا في حقها

الانسانة دي هي عضوة معانا هنا في المنتدي يمكن محدش شافها كتير
بس هي باسم
Amany_mhk
انا بشكرك جدا ودة اقل حاجة اقدر اقولها واشكر كمان اللي وصلت الامانة ليا وكانت في منتهي الذوق والاخلاق والاحترام
وربنا يكرمها هي كمان ويجعلها وسيلة للخير

اسف اني طولت بس كان لازم اقول الموضوع دة
تحياتي لكم

الخير طول عمرة موجود ومش هينتهي ابدا
يمكن مش هيظهر لكن هيفضل بردو موجود وقوي
وانا بجد مبسوطة جدااااااااا من اللي عملتة اماني وربنا يكثر من اللي زيها
هي واصحابها اللي اكيد هيكونوا زيها بردو
وبقولها ربنا يكرمك ويجازيكي كل خير وان شاء الله موفقين في كل حاجة
اللهم امين يارب العالمين
واكيد طبعا اللي زيهم ربنا بيبعتهملنا عشان يعرفونا حاجات احنا نسيناها
ميرسي يا اماني وفعلا الشكر دة اقل حاجة ممكن تتقالك

بجد .. الناس دي اقل حاجة ان احنا نشكرها ..
وانا اعرف بردو ناس كدا .. الواحد بيبقى مستغرب .. طيب ليه .. هوا هيستفاد من ايه ..؟؟
واللي ابطلع بيه .. اني استحي من نفسي .. اني مش زيهم ..

بجد .. الخير لسه موجود .. اماني .. جزيتي خيرا بجد يا بنتي ..

وبجد .. بالعمل لابسيط دا .. انتي غيرتي كتير .. وسبحان الله ..
ماتعرفيش غيرتي اد ايه في ناس تانية ..

بجد والله فعلا الناس اللي كدة بقوا حاجة نادرة قوي في الدنيا
واللي يعرف زيهم مش يسيبهم ابدااااااااا
هما دول الناس اللي يستحقوا الصداقة بجد
ربنا يكرمك يا اماني ويوفقك انتي وصاحبتك واللي زيك كلهم يارب
بجد انا لما بعرف ان لسة في ناس كدة بفرح قوي قوي قوي
وفعلا بردو اقل حاجة ممكن نقولهالك شكرا وربنا يجازيكي خير
ويارب نتشرف بيكي معانا هنا ونشوفك معانا كتير flower

فعلاااااااااااااااااااااااااااااااااا

الخير بقى قليل جدااااااااااااا فى الزمن ده

ويمكن انا قريت الموضوع ده فى وقت فعلا صعب جدااااااااااااااااا

وقت حاسه بيه فعلا بان الشر محاوطنى من كل ناحيه

وان ما فيش خير خالص

بس يمكن ربنا خلانى ابص على الموضوع ده

عشان انا كمان احس بان لسه فى خير فى الدنيا

بجد ميرسى ليك اووووووووووى يا امانى

لان احساسنا بالخير قرب ينعدم

وربنا يجازيكى كل خيييييييييييييييييييييييييييير

ويارب يبقى فى امانى كتيييييييييييييييير حولينا

عشان نحس بالامان

وميرسى جدا يا اسلام

انك عملت الموضوع ده

لانى فعلا قريته فى وقت ان فعلا كنت محتاجه انى اقرأ فيه حاجه زى كده

بجد ده موضوع مهم جدا
وخصوصا فى هذه الايام
لان الانانيه وحب الذات اصبحت هى السمة الغالبه على معظم الناس
وللاسف الخير بقى وجوده ضئيل جدا
لدرجة ان كلنا تقريبا بنفتقده
بس الموقف ده اكبرليل على ان الخير لسه موجود بيننا
ربنا يجازى هذه الزميله خير الجزاء على هذا الصنيع
وربنا يجعله فى ميزان حسناتها
وده بيذكرنى بالحديث الشريف
(ان الله فى عون العبد ما دام العبد فى عون اخيه(

ربنا يقينا شح انفسنا جميعا
ولازم كل واحد مننا يعود نفسه على البذل والعطاء
وربنا يوفق الجميع يارب

وياريت الاقى حد يدخل الامتحانات مكانى
ساعتها هتاكد ان الخير موجود فعلا
ههههههههههههه