مصيبة العرب الكبرى ............

السلام عليكم و رحمة الله وبركاته

اخواني و أخواتي في الله

انهردة حبيت أكتبلكم موضوع يؤسفني إني أكتبه و أنا حزين فعلا وانا بكتبه

بس هي دي الحقيقة اللي وصلتلها بالصدفة

الحقيقة مقسومة جزئين

أولا : انهردة بالصدفة وقع في ايدي موقع عن الزواج و التعارف والصدافة – ولما تصفحته لقيت المصيبة اللي بجد – ناس - رجال ونساء – عرب ( وخلوا بالكو من كلمة عرب دي ) كاتبين كلام محبش اني اقولهلكم ولو انني كنت احبه انقله بالنص علشان تشوفوا الكارثة بعيونكم – بس يكفي اني اقولكم اني لاقيت ناس كتيرة اللي سايب رقم موبايله واللي سايب ايميله علشان أي واحدة – معلش في الكلمة يعني ( بس اي واحدة زي بنات الليل اللي بنشوفهم في الافلام عربي واجنبي ) – تتصل بيه – و كذلك في بنات سايبين نمرتهم وايميلاتهم ... دي أول كارثة

ثانيا : الكارثة التانية و الألعن من الاولى – موقع إباحي كامل لبنات العرب – يا ريتها صور وبس -- لأ – دي فيديوهات لبنات لابسين حجاب ونقاب في وضعيات مخلة مترضيش ربنا بأي حال من الأحوال – الله أعلم بقى دول بنات مكتوب في بطايقهم انهم مسلمين – ولو بنات أجانب لابسين الحجاب علشان يسوؤا سمعة المسلمين

بأي حال من الأحوال .. السؤال هو : ايه اللي بيحصل ده ؟

أكيد مش بيحصل من فراغ – مش هقول إننا موصلنا لدرجة الملايكة و الأنبياء – بس برده احنا موصلناش للقذارة و الحقارة دي

مين السبب في اللي بيحصل ده – لما واحد من السعودية ( أشرف بلاد المسلمين ) يقول ( أي واحدة ............... تتصل بيا على النمرة دي ) ؟

يا ناس حرام اللي بيحصل ده

بسم الله الرحمن الرحيم ( إن الله لا يغير مابقوم حتى يغيروا ما بأنفسهم )
صدق الله العظيم

أنا حبيت أكتبلكم الموضوع ده علشان أذكركم و أذكر نفسي إننا بقينا في غفلة رهيبة --- ربنا يفوقنا منها

اللهم إن كنت تريد بالناس فتنة فاقبضنا إليك غير مفتونين يا أرحم الراحمين ... آمين

sad

و أعتذر عن الإطالة

يا فانتوم كل اللي احنا فية دة احنا بنفسينا اللي وصلنا نفسنا لكدة وسمحنا لنفسنا وغيرنا انة يوصلنا لكدة
هو في حدا يهمة انة غيرة يكون احسن منة
هو ياريت بس علي اللي بنشوفة دة
احنا وصلنا لحال اننا مش قادرين نكفي نفسنا من الاكل
بس مهما اتكلمنا المهم في الاول والاخر نبص لنفسنا ونخلي نفسنا نوصل لاعلي درجة ممكن نوصلها من الالتزام
وبعدها نبدأ بنصيحة غيرنا
الموضوع محزن جدا ومنتشر بشكل فظيع في الروم شات
الله المستعان
وربنا يهدينا جميعااااااااااااااا
شكرا يا فانتوم علي الموضوع الرائع

شكرا يا اسلام على المرور الكريم

بس انا بجد حزين على اللي وصلنا له ده

معلش يعني - لو واحد مدمن على المواقع دي هيصعب عليه انه يشوف واحد محجبة و لا منقبة بيحصل فيها كدة – هو احنا خلاص رجعنا لأيام الاحتلال أيام ما كانوا الانجليز بيغتصبوا البنات والنساء

بس على ايامهم ده كان بيحصل غصبا عنهم - انما يحصل دلوقتي وبمزاجهم – ده اللي يحزن الواحد بجد

ربنا يهدينا و يحمينا من الفتن دي

بجد الموضوع ده خطير جدا
الموضوع ده يبين مدى الانحدار اللى وصلنا ايه
ياريت على اد ده وبس
للاسف احنا عدنا متاخرين دينيا وعلميا وثقافيا واخلاقيا
انا حاسس اننا اصبحنا فى غفله ومش عارفين هنفوق منها امته
بجد احنا محتاجين نقف مع نفسنا
وكل واحد واجب عليه انه يفوق غيره
علشان نصحى من تانى

ولا يسعنى الا ان اقول
لا حول ولا قوة الا بالله العلى العظيم
وانا لله وانا اليه راجعون

نسال الله تعالى ان يوقظنا من غفلتنا وان يعيد للاسلام مجده وعزه
اللهم امين

جزاك الله خيرا يا محمد على المرور

و فعلا ربنا يهدينا و يزيح عن الأمة دي

يا صديقي عمر الحجاب او النقاب ما كان مقياس لعفة المرأة و طهارتها يا ما بنات لابساه منظر و لأنه اصبح زى رسمي في بعض البلاد مش اكتر أنا لا أنكر أنه فريضة و واجب لكن استحلفك بالله تبص في البنات المحجبة حتلاقي اكتر من نصفهم مش لابسين الحجاب الشرعي الصحيح لابسين مجرد حتة قماشة على راسهم و بنطلون جينز ؛ الخلاصة عشان مطولش الحال اللى وصلناله دة طبيعي و كبر دماغك . "أفمن زين له سوء عمله فرآه حسنا فان الله يضل من يشآء و يهدي من يشآء فلا تذهب نفسك عليهم حسرات و الله عليم بما يصنعون" صدق الله العظيم

أنا متفق معاك أخي إن الجاب ليس مقياس لعفة المرأة

و يا ما بنات محجبة في منتهى قلة الأدب و يا ما بنات سايبة شعرها عارفة دينها كويس اوي

بس كون ان الموضوع يوصل للدرجة دي و ينشروه على النت

صعب - صعب اوي

لا حول ولا قوه إلا بالله بجد ..

كل الحاجات دي ابتلاء من ربنا وعقاب .. يعني احنا السبب في كده ..
هنتوقع ايه من اهل سايبين بنتهم ولا ابنهم يطلع زي ماهوا عايز ويدخل زي ماهوا عايز .. ولا اعرف عنه حاجة ..
ولا في وازع ديني .. اهي تقلك اديني بتسلى حد عارفني ..
اول غلطه من الاهل ... ده غير زمايلهم بقى اللي عمالين يشدوهم للحاجات دي .. والاهل بردو نايمين .. ومفيش اي وازع ديني

دنا شفت بعيني في اول ايام رمضان ده .. والله كنا في رمضان .. دخلت شات عشان ارمي بس لينك المنتدى واطلع ..
وكنت داخله الصبح بدري .. وعينك متقعش إلا على فوق الـ 77 شخص في صباحيه ربنا وفي رمضان كمان ..
طبعا ده غير الكلام اللي كان بيتقال .. مصايب والله .. حتى انت اصلا تتقرف تنصح حد منهم .. بس اهو ربنا المستعان ..
والماسك علة دينه كالماسك على جمر .. ربنا يحمينا يارب

معلش طولت شويه .. بس المضووع بجد مش بسيط ابدا .. لما تلاقي بنات العرب بايعين نفسهم والشباب مابيسدقوا ..
والله الواحد يتستر على نفسه وعياله ويتجوز ... بس المشكله ان في ناس كده وهما متجوزين اصلا ..

تسلم يافانتوم ع الطرح المهم ..

تسلمي يا مريوم على الرد الجميل ده

و الله انا انهردة بتكلم مع واحد زميلي في الموضوع ده

بيقوللي احنا عندنا بنات في البلد الاسم مسلمة - و المهنة -- معلش في الكلمة يعني ( بنت مصلحة )

أنا آسف في التعبير بس هو ده فعلا اللي لازم يتقال عليهم

انا عارف ان في ناس كتير كدة

بس بجد مش عارف ازاي بيتصرفوا بالطريقة دي -- ازاي ناسيين وجود ربنا

اي نعم كلنا بتغلط -- بس بيبقى غصبا عنا و بنندم على ذنوبنا

انما دول معندهمش حاجة اسمها ندم

الرحمة من عندك يا رب

بجد .. مصيبة ..
بس انا عمري ما افتنع ان البنات دي تبقى منتقبة
استحاااله.. اهي دي بقى لو ليييييييييه ..

امشكلة ان الدين حاليا تحول من عبادة لعادة .. وفي ناس كتييير تقلك العادات دي تقليد اعمى وجهل .. وبيبقوا عايزين يتخلصوا منها باي شكل من الاشكال .. وهما خاضعبن ليها .. بس علشان القيود اللي مقيداهم ...
زي مثلا بعض من بنات السعودية .. في السعودية الزي الاسلامي .. مش هقولك نقاب .. علشان حاليا في كتير مش بقوا يلبسوه بس على الاقل ... العباية والشيلة ..
دول جوا السعودية وجوا معظم بلاد الخليج...

تعالا بقى شوف السعودية لما تسافر برا .. في الطيارة تقلع العباه والشيلة والنفاب .. ويظهر البدي ستومك والبرمودا ..
وشايفاهم بعيني في مصر .
لابسه عباية مفتوحة .. وشيلة ونقاب .. بس شعرها طالع من تحت الشيلة . ولابسة تحت العباية اللي الهوا رايح جاي يطير فيها .. بدي وبرمودا وبطنها ظاهرة ..

كانت بجد حاجة مقرفة .. والاسلم انها لابسة حتته قماشة على وشها .. حتى مش عايزة أقول نقاب .. ان النقاب اعف واطهر من الي كانت عملاه ..
وخلي بالك بردو من دور الاعلام الفظيع اللي .. بيحصل ..
بينشروا اسفور بطرق فظيعة .. زمان الفلم ممكن كان يمون فيه لقطة خارجة عن المألوف .. والواحد يغير الفلم .. لما يشوفها ..
لكن حاليا افلم كله بقى خاج عن المألوف (( واللي طبعا عندهم حاليا بقى مألوف وبيناقشو بيه قضايا مهمة جدا .. ))

الخلاصة .. قلة الوازع الديني .. مع الاعلام المستهدف .ز هاو دا اللي خلى حالنا للاسف كدا ..

سووووري طووولت كتييييييي .. بس بجد .ز موضوع مهم ...

اقتباس :: بس مهما اتكلمنا المهم في الاول والاخر نبص لنفسنا ونخلي نفسنا نوصل لاعلي درجة ممكن نوصلها من الالتزام
وبعدها نبدأ بنصيحة غيرنا

عايزة بس اعقب على جملة اسلام دي ..
حلو ان الواحد يعلى بنفسة ويطورها .ز بس مش نقول اما التزم انا الاول ابقى ادعي الناس .. دا كلام من كلام الشيطان .. لما بيلاقيك قوي .. وعايز تتغير وتغير .. فيقول لما هوا يلتزم .. واحد أحسن من عشرة ...
اهم حاجة ان احنا نعمل اللي بندعوا ليه .. علشان مانكونش زي الناس اللي في جهنم ... فالعصاة سألواا عنهم واستغربوا انهم موجودين ..
لانهم كانوا من الاخيار ..
فالملائكة قالتلهم .. دول الناس اللي بتدعوا للحاجة اللي مش بتعمل بيها ..
وبردو مش نكون زي العابد اللي كان في قريته .. وصومعته .. مش ليه دعوا باي حد .. الا نفسه .. قائم بالليل .. صائم بالنهار .. والقران والذكر يرطبان لسانه في كل وقت ...

بس لما ربنا نزل عقابة على القرية العاصية دي .. قال ابدأو بالعابد الناسك اللي في صومعته .. لانه ماخرجش الخير دا للناس ومادعاش حد ليه ..

واعتذر تاني مرة على الاطاله .. ههههههههه اعمل ايه ..كلام مهم بجد ..

يا جماعة بلاش اعتذار

احنا لو فضلنا نتكلم في الموضوع ده من هنا للسنة الجاية مش هنخلص كلام

زي ما لؤلؤة قالت
مينفعش نقول حاجة و نعمل غيرها - و مينفعش نبقى كويسين و نسيب اللي حوالينا من غير ما نوجههم

ده الرسول - صلى الله عليه و سلم - بيقول ( الدين النصيحة )

مش هقول اننا ملتزمين بتعاليم ديننا كلها - بس ع الاقل ندعي باللي احنا عارفينه

انا بقول الكلام ده لنفسي قبلكم لأنني ساعات كتير اوي ببقى عارف حاجة و مقولهاش لغيري و مقولوش انه اللي بيعمله صح او غلط

بس ارجع و اقول - ان بعدنا عن الدين و عن ربنا هو السبب الاساسي في الغفلة دي