انـــا مش هتجوز إلا مهند .. هه بس

الحكاية دى بتحصل كتير فى سن المراهقة

لكن مع النضوج

بيكتسب الانسان شخصية وبيفهم الحياة أكتر وبتتغير نظراته للحياة

والاعجاب فى حد ذاته مش عقدة ولا شئ

المهم نعجب بمين

بواحدة مسخرة

وواحد مهزلة

ولا بانسان محترم يكون قدوة حسنة تغير حياتنا للأحسن

تعرفى ان كتير من اللى شربوا سجاير بسبب اعجابهم بالممثل اللى بيدخن فى المسلسلات

شكرا أختى العزيزة

ههههههههههههههههه
انتي مصممة بردو
عموما علي فكرة اللي يفكر في الموضوع دة يبقي مش عارف يفكر صح
لان اللي زي الناس دي بيبقي في دماغة ان في ناس كتير معجبين بية واتعود علي كدة علي عكس الفرد الاخر هو واحد بس بالنسبة لة فكل دة اكيد تفكير غلط من اولة
ولازم ننتبة لدة ونفكر صح ونحسبها صح
وزي ما مختار قال

اقتباس :

المهم نعجب بمين
بواحدة مسخرة
وواحد مهزلة
ولا بانسان محترم يكون قدوة حسنة تغير حياتنا للأحسن

فعلا لو فكرنا اننا نكون زي شخصية محترمة او عملت انجاز معين العالم بيفتخر بية زي دكتور مجدي يعقوب واحمد زويل كل العالم بيحترمة علي عكس الباقي مين بيحترمة احنا بس والباقي .........
ميرسي يا عسلا علي الموضوع المهم فعلا واللي لازم ناخد بالنة منة

انا بقي مش هتجوز غير واحدة شعرها ازرق وعينيها حمرا
هههههههههههههههههههههههه
لأ بجد الواحد بيبقي من صغرة وهو حاطط ادامة صفات معينة بس مش في الشكل ولا الوظيفة في التعامل والاخلاق
وفي نفس الوقت في القلب الطيب ويا سلام بقي لو شوية جمال مع شوية تفوق تبقي لقطة بس مش هلاقي
ههههههههههههههههههههههههههههههههههه
انا بقول يعني علي حسب الصفات الي الانسان حاططها ادامة وزالي في الاغلب لبتكون في الشكل لأما في الوظيفة
وربنا يرحمنا بقي برحمتة ونلحق القطر حتي لو علي الكرسي المكسور

والله احنا فعلا مش بنفكر غير في التفاهات بس
والغرب طبعا مبسوط باننا كدة وهنفضل في تخلف طول عمرنا لو مبطلناش عاداتنا دي اللي جايبانا لورا
فعلا في شباب كتير بيعملوا كدة
الله المستعان
ربنا يهدينا جميعا
موضوع واقعي وهام يا لؤلؤة
اشكرك جدااااااااااا

هههههههههههههههههههههه
ولا يهمك .. مش هنحرمك أبدا من الكرسي المقطوع في القطر



نرجع لموزوعك يا لؤلؤ ..

على فكره انتي محبكه الموضوع شويتين .. ومكبرااه على الاخر .. فيها ايه يعني .
كل واحد برحته .. انتي مالك انتي .. الله ده ايه الرووزاله دي



على فكره ده مش ردي أنا .. ده رد البنات المعجبه .. لما تيجي تقللهم كده .. يقلولك الكلام ده

يعني الله .. واد حلويه .. ابيضاني .. أشقر .. عضلات .. طول .. عرض ...ماشي ماشي وبعدين يعني

هل الشكل اهم حاجة يعني ؟؟؟؟ هل احنا بنتهوس على شخص من مجرد شكل زاااائل ؟؟؟؟؟؟

ده ان دل على حاجة فيدل على سطحيطه التفكير ... او ممكن نقول تفكير عاطفي لا عقلي ...

يعني ايه لما واحده تربط نفسها بممثل ولا مذيع ولا مغني وحياتها كلها تبقى متعلقه بالشخص دي ..
عماله تجري ورا اوهام × اوهام .. وتوقف كل حياتها عشان حته واحد مش حاسس بيها ..


نيجي لأسئلتك ..
هل الظاهرة دي تعتبر عقد نفسية .. من وجهه نظركم الشخصية ..
شوفي ... هيا مش عقده عقده .. يعني ممكن نقول عليه هوس جنوني .. وممكن لما يطور نسميه مرض نفسي ..
ممكن يتعالج الشخص منه ... لو فكر بتفكير عقلاني صحيح ..

وإيه إلي أدى لظهور الظاهرة دي ..
شوفي .. في الزمن ده كل حاجة ظهرت وطلعت .. يعني مثلا انا اعرف بنات .. مهند كان بالنسبالهمن مجرد شخص عادي جدا .. بس لما سمعوا ناس كتير بتتكلم عنه ومعجبه بيه وهوس بقى وكلام من ده .. هما كمان بقوا منهم ... بس من مجرد كلام الناس .. انما هيا كان عندها عادي .. يعني القليد الاعمى .. وضعف الشخصيه سبب من الاسباب ...

غير كده الفراغ العاطفي .. ممكن يبقى عندها مشاكلمع والدتها .. مش واخده منها الحنان اللاازم .. او من والدها .. او من الاشخاص المحوريين دول .. فـ بطلع عاطفتها في حاجة غلط جدا ...

وطبعا عندك ضعف الوازع الديني عند الناس .. يعني كل المعجبين مش هتلاقي منهم واحد عارف ربنا بجد

ومتى يتحول الإعجاب إلى مرض لابد من علاجه ؟؟

لما يوصل لحد الهوس والجنون ... وتعيش على أمل زائف بالارتباط بالشخص ده .. وحياتها تدمر لو محلصش الي هيا حطاه في بالها .. ومش عارفه تفكر غير بالشخص ده .. لحد هنا المفروض بقى تقول ستوب

وهل تعاملت مع واحد بالشكل دا ..؟؟
لا الحمد لله .. انا اعرف ناس معجبه .. بس اعجاب عادي ... بس بالشكل الجنوني ده لاء الحمد لله

وإيه هيا الحلول اللي ممكن نتبعها مع الشخص دا .. علشان يتخلص من مرضه ..؟؟
اول حاجة نقتل الشخص اللي مموت البنات كلها عشان نخلص من الحكايه دي هههههههههههههههههه

يعني انا شايفه ان الحل بإيد الاهالي انهم اول حاجة يمنعوا بناتهم من مشاهده الحاجات اللي زي دي ..
وتقويتهم دينيا ... وتحصينهم ..

بس قبل ده كله لازم الشخص نفسه يعرف انه غلطان وان ده مرض .. ولازم يتخلص منه ..
لأنه لو مش مقتنع بكده .. مفيش اي طريقه او حل ممكن تنفع ...

فالانظلاق الاول يأتي من الشخص نفسه ...



موضوعك جميل اوي يالؤلؤة ومهم فعلا ... تسلمي ياقمر ..
ومعلش على الاطاله ..

والله لؤلؤه موضوع فى الجون بجد

انا هتكلم عن الموضوع باختصار شدييييد

طبعا الاعجاب ده اعجاب بجد بيكون وهمى

نا عن نفسى معجبه جدا مش بشكله بالامانه ولكن للشخصيه اللى هو ظاهر بيها فى المسلسل

مثاليته الشديده واخلاقه وارائه ومواقفه عاجبانى اوى

لكن فى النهايه انا حاطه فى دماغى انه شخصيه زى الشخصيات الاسطوريه

ممكن تكون وهميه وان هو مش زيها فى الحقيقه

ممكن يكون على النقيض تماما

انابصبر نفسى بالكلام ده ههههههههههههههههههههه

لا بس بجد لانها من الشخصيات بجد اللى بنفتقدها فى حياتنا وكمان اتفق ده مع مظهره

فالموضوع بقا خل خالص

بس مش معنى ده بقا انى اطلق من جوزى عشان حلاوته وجماله

لا لازم نحكم عقولنا ونعرف ان الشخصيه ممكن تكون منافيه للحقيقه

ونرجع لربنا واننا لو علمنا الغيب لاخترنا الواقع

الحمد لله على كل شىء

وهنيالك يا فاعل الخير والصواب

وكفايه كده بقا

علي فكرة يا لؤلؤة انا مش هتجوز الا ريهام عبد الغفور اتصرفي بقي ههههههههههههههه

هههههههههههههههههه ومين ريهام دي كمان ..؟؟

معلش انا سايبة التي في بقالي فترة ..وعلاقتي بالعربي مش كويسة اساسا ..
وبعدين مش انت قلت انك مش عايز تتجوز من اساسه .. ايه الناس المتصربعة على الجواز دي يا ربي ..


خلااااص ولايهمك.. أنا هكلمهااااالك .. هات انت بس بوكيه ورد .. والحكاية هتتظبط ان شاااااء الله

وانا ليا الحلاوة .. تجوزني مهند انا كمان خخخخخخخخخخخخخخخخخخخخ

طب انا بقي مش هتجوز الا شاروخان ههههههههههههههههه

صح يا لؤلؤة كلها احلام اليقظة وناس دماغها فاضية بس
تسلمي يا سكرة