The Fantom
Eng. / M.A.R
 عدد الرسائل : 10943
العمر : 35
العمل/الدراسة : جندي مجند بالقوات المسلحة
الاقامة : في قلوب أحبابي
الأوسمه : 
السٌّمعَة : 16
نقاط : 15723
تاريخ التسجيل : 23/08/2008
 | موضوع: عظمة الخالق وسط غفلة المخلوقين  الأحد يناير 03, 2010 5:18 am | |
|
السلام عليكم و رحمة الله وبركاته
قبل ما أبدأ كلامي
ارجو من اسلام او اي مشرف ان يثبت الموضوع ده علشان الكل يشوفه في اي وقت
ثانيا
الموضوع ده المفروض يكون في قسم الصوتيات بس ارجوكم سيبوه في القسم ده علشان يكون قصاد الجميع
قبل ما أبدأ كلامي عايز اقول كلمتين
عايز اقول اني عمري ما حاسبت ولا عمري هحاسب حد على دينه
عايز اقول ان ربنا شاهد اني عمري ما فرقت بين واحد والتاني بسبب دينه
ربنا يشهد عليا اني اتعاملت مع مسيحيين كتير واحترمتهم جداااااااا وعمري ما اتعاملت معاهم على اساس انهم من دين تاني
عايز اشهد ربنا اني لو شفت شاب او بنت بيتعرض لأي اعتداء في الطريق مش هسأل نفسي ده مسلم ولا مسيحي
اه - قبل كدة عمري ما اتدخلت في اي خناقة
او مش خناقة بمعنى اصح
لو شفت حد بيعتدي على حد وحسيت انه مظلوم مكنتش بتدخل
اللهم إلا مرة واحدة
معتش عندي استعداد اني اقف في موقف زي ده - تخيلوا الموقف ده وانتوا واقفين قدام ربنا يوم الحساب
" عبدي .. شاهدت عبدي يتعرض لإعتداء من عصاة ولم تحرك ساكنا.. لماذا لم تدافع عنه؟"
" ربي .. انه مسيحي.. والمسيحية انتهت عندما رفعت سيدنا عيسى إليك .. فكيف أدافع عن مخلوق ليس على دين الاسلام "
تخيل رد ربنا ممكن يكون عليك ايه ساعتها أو ممكن يكون ازاي لما يقولك
" من أنت لتحاسبه على دينه؟؟ "
ردك هيكون على ربنا ايه ساعتها ؟
بالله عليك هترد تقول ايه
ده جزء
الجزء التاني
لما نكون احنا يا مسلمين مش حاسين بعظمة اسلامنا وغيرنا بيحسدونا عليه
يا ترى نفرح بنفسنا ؟
اسمك ايه ؟ اسمي فلان
ديانتك ايه ؟
اوعى تقول مسلم
قول " مكتوب في البطاقة مسلم "ـ
بجد هو ده اللي بحسه
مجرد معلومة مكتوبة في السجلات الرسمية
مسلم بالاسم
يا ترى في فعل ؟
بنصوم رمضان ؟
الحمد لله
الف شكر وحمد
بنيجي على نفسنا ونفضل طول نهار رمضان صايمين عن الاكل والشرب والشتيمة والتلفزيون وكل ده
بعد الفطار بخمس دقايق
ايه رأيك في الشباب اللي ماشي يعاكس البنات ؟
ايه رأيك في القهاوي اللي بتتملى وريحة السجاير والشيشة طالعة منها ؟
ايه رايك في صلاةا لتراويح اللي بتبقى شغالة في الجامع واحنا قاعدين قدام التلفزيون احسن المسلسل يفوتنا ؟
في سؤال انا كتبته في موضوع قبل كدة والكل اتهز له
السؤال ده - ما هو ردك لو ربنا قالك
( عبدي .. ماذا فعلت لخدمة ديني ؟ )
ومحدش قدر يرد
وانا لحد دلوقتي مش عارف ارد
سؤال تاني
( عبدي .. علمتك القرآن .. ورزقتك نعمة الاسلام .. ومننت عليك بالصحة والجسد القوي .. ومنحتك السعادة ... وها انت الآن تقف أمامي وقد زالت عنك كل النعم ... عبدي .. لماذا لم تعطني حقي كما أعطيتك حقك ؟؟ )
ربنا مش محتاج مننا حاجة .. وربني غني عن كل حاجة
بس بالله عليك فكر في اجابة السؤال ده
سامحنا يا رب اننا موفناش حقك
انا مش هطول عليكم اكتر - لأنني مش قادر اطول اكتر من كدة
يا ريت تسمعوا الشريط ده كويس جدا
الشريط مدته ساعة و 11 دقيقة بالظبط
ويا ريت بعد ما تسمعوه تردوا عليا وتقولولي حسيتوا بايه وانتوا بتسمعوه
إســــــــــــلام مــــســــيــــحـــيــــــة
| |
|
AnGy MOoOoNy
 عدد الرسائل : 2311
العمر : 34
العمل/الدراسة : Engineering College
الاقامة : Place of Moon
السٌّمعَة : 247
نقاط : 9061
تاريخ التسجيل : 26/02/2009
| | موضوع: رد: عظمة الخالق وسط غفلة المخلوقين الأحد يناير 03, 2010 11:15 am | |
| - اقتباس :
ربنا يشهد عليا اني اتعاملت مع مسيحيين كتير واحترمتهم جداااااااا وعمري ما اتعاملت معاهم على اساس انهم من دين تاني وهو دوت اساس كل دين الحب
حب ربنا والناس والمعامله الكويسه
- اقتباس :
- " من أنت لتحاسبه على دينه؟؟ "
دي مشكله ان فعلا ممكن تلاقي حد اصلا مقصر في عبادته وبيتخانق مع واحد تاني مش من دينه
مع ان المفروض يشوف نفسه الاول ايه ناقصه ويعمله
كان نفسي اسمع الشريط بس سرفر فور شارد مش بيفتح هنا
ميغسي يا عمونا على الكلام الحلو دوت | |
|
