منتدى الجامعة العربية
عزيزي الزائر اهلا بك في اسرة منتديات الجامعة العربية هذه الرساله تفيد بأنك غير مسجل يتوجب عليك التسجيل لتتمكن من رؤية روابط التحميل والمساهمة في المنتدى - كما يجب وضع رد لرؤية الروابط


للتميز عنوان - شاركنا الحلم
 
الرئيسيةالتسجيلدخول
سبحان الله والحمد لله لا اله الا الله و الله اكبر
بحـث
 
 

نتائج البحث
 
Rechercher بحث متقدم
المواضيع الأخيرة
تسجيل صفحاتك المفضلة في مواقع خارجية
قم بحفض و مشاطرة الرابط الجغرافيا كما يجب ان تكون على موقع حفض الصفحات
الإبحار
 البوابة
 الفهرس
 البيانات الشخصية
 س .و .ج
 ابحـث
التبادل الاعلاني

شاطر | 
 

 عرض مميز - لفترة محدودة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
The Fantom
Eng. / M.A.R
Eng. / M.A.R


ذكر
الميزان عدد الرسائل : 10943
العمر : 28
العمل/الدراسة : جندي مجند بالقوات المسلحة
الاقامة : في قلوب أحبابي
الأوسمه :
السٌّمعَة : 16
نقاط : 13032
تاريخ التسجيل : 23/08/2008

مُساهمةموضوع: عرض مميز - لفترة محدودة   الأربعاء نوفمبر 11, 2009 4:17 am

السلام عليكم ورحمة الله وبركاته

معلش المرة دى التوبيك طويل شوية
بس ان شاء الله يكون فيها تذكرة مفيدة
"وذكر ان الزكرى تنفع المؤمنين

السلام عليكم اخوتي واخواني انهارده جايبلكم عرض مميز جداا بس المرة دي عرضنا مختلف حبة هو مش عرض على فيلم سينما
ولا على شريط اغاني جديد ولا على 2 طقم ملايات
ولا مبروك كسبت شمعدان
عرضنا اغلى بكتيييير تحب تبقا مليردير ؟ تحبي تبقي مليرديرة ؟
والله قدامكو الفرصة بس العملة ف عرضنا مختلفة
كل الناس بيتعاملو بالفلوس عشان ده العادي
طب ما تيجو احنا نكون مختلفين ونكون مش عاديين ونخلي عملتنا بالحسنات ايه رأيكو جربو وانتو الكسبانين اين كان مش حتخسرو حاجة ف عرضنا ده .
صفحة جديدة مع الله ده عرضنا :


دلوقتي في ناس حتقول يوووه بقا ده حيكلمنا عن ربنا ما رمضان خلص خلاص وابعدين احنا بنعمل ايه ما احنا بنصلي وبنقرأ قرءان بالله عليك وعليكي بتمسكي المصحف وتقري قرءان كل يوم ده احنا مفيش يوم يعدي علينا الا ولازم نفتح الميل والفيس بوك لكن ممكن اوووي اياااااام تعدي علينا من غير ما نفتح كلام حبيبنا
عايزين ربنا يحبنا لازم نحبه لازن نقرب منه
طيب فرضا انا دلوقتي حاسس اني بعمل ذنوب كتير ومش عارف اتوب ومش عارف ارجع واقوله خلاص انا عرفتك وحبيتك يارب انا رجعت لطريقك طب اتوب من رمضان الجاي ان شاء الله مده شهر التوبة
لا طبعا ما ينفعش استنى هو انا ضامن عمري لحظة
وبعدين مين اللي قال التوبة في شهر رمضان بس التوبة اي وقت وربنا بيقبل ده عشان هو رحيم وغفور وحليم
شوفه رحمته بينزلنا كل يوم ف التلت الاخير من الليل وينادي ويسأل هل من مستغفر هل من سائل اعطيه هل من تائب اتوب عليه
وحنا بكل جبروت اللي يكون نايم واللي قاعد عالنت واللي عالقهوة واللي الله اعلم بيعمل ايه
يعني حبيبك نازلك مخصوص وجايلك وبيسألك ايه مشاكلك واحلهالك وانت اللي مش عايز
بالله عليك لو رئيس الجمهورية قالك انه جايلك مرة كل اسسبوع حتى وف وقت نومك حتقوله لأ معلش اصل انا بكون نايم ف الوقت ده او ببقا قاعد عالنت ولا حتسيب اللي وراك واللي قدامك وتستناه طب ده بشر فما بالك برب البشر ( ولله المثل الاعلى )
انا عايز كل حد يسأل نفسه حبة اسئلة :
انا كم مرة بكيت وانا ساجد
انا كام مرة صليت بخشوع فعلن حقيقي
كام مرة دعوت ربنا بصدق انه يثبتني ويقوي ايماني وسط دنيا الشهوات
كم مرة بفتكر فيها ربنا ف اليوم مع العلم ان ربنا فاكرك طول اليوم ولو سهى عنك طرفة عين لضعت ف ضياع ما له من رجعة
كم مرة دعيت الناس لله ولحب الله ولخشية الله
كم مرة جيت تعمل ذنب ومعصية وافتكرت قوله ( لديك رقيب عتيد ) وقلت لأ مش حعمل كده انا حسيبها عشانك يارب
هما كلمتين ياجماعة مفتاحنا عشان نتخلص من معاصينا


( اترك وانطلق ) اترك ذنوبك وانطلق لألاهك وانطلق بحب مش بخوف من النار ولا من العذاب
حب الله اقوى بكتير من الخوف منه وخشية الله اقوى من الخوف منه
لان الخشية معناها خوف وتعظيم
اما بقا عن التوبة قدامنا فرصة اهي ده العرض اللي جاي اكلمكم عنه اللي ملحئش يتوب ف رمضان قدامه فرصة انه يتوب ويرجع وتتقبل توبته ومش بس كده لأ كمان تتعتق رقبته من النار
عايزين نفوق ونجتهد ونقرب من ربنا عايزين نوصل لاحساس اما نكون وسط الاف الناس في الشارع في الجامعة في الشغل نكون حاسين اوي بقرب ربنا وانه بجد فعلا معانا نحس بيه في قلوبنا وفي دمنا
الاهي كيف انساك وحبك ف دمي يجري سأنسى الكل الاك وابقى مخلصا عمري
انت حب ربنا بيجري في دمك
ولا حب بنت تعرفها ولا حب سجارة انت عبد ليها ولا حب اغاني ولا حب افلام ولا حب شهوات ولا ولا ولا ...........

انتي حب الله بيجري ف دمك ولا حب ولد ومش قادرة تسيبيه ولا حب مكياج مش قادرة تبطليه او مش عايزة تبطليه ولا حب جينز ساقط اصلا معمول ف امريكا للشواذ عشان يتعرفو وسط الناس تلبسيه انتي وتبقي سهم في امة النبي ولا حب ولا حب اغاني مش عارفة تعيشي من غيرها ولا ولا ولا ...........
حجات كتير اوي يا جماعة عايزين نبطلها عايزين نرجع طاهرين زي ما اتخلقنا ربنا ما خلقناش بذنوبنا ديه انتو عارفين في حاجة حلوة اووووووووي حقولها عشان لو حد ميعرفش لو شاب مثلا بيكلم بنات وخلاص عرف انه ربنا حبيبه مش بيحب كده وقرر انه يتوب ويترك كل سيئاته وكل الاوقات اللي كلم فيها بنات ربنا يمحيها من دفتر السيئات ويبدلها له حسنات
والحسنة ب 10 شوف بقا المكسب


ولو واحدة متحجبة بس حجاب يعني مش اللي يرضي ربنا والنبي مش الحجاب اللي تقدر تسلم بيه عالنبي لو شافته ف الشارع او يوم القيامة او عند الصراط او .. او .. وسابت الحجاب ده ودورت عن الحجاب اللي يرضي حبيبنا ونبيه وحاولت حتى تكون قريبه له مش حقول تلبسه كله بس تكون اقرب حاجة منه تقدر عليها كل السنين اللي كانت متبرجة فيها ذنوبها تتقلب حسنات
بالله عليكم مش مشروع يكسب وناجح ويشجع
دلوقتي حكلمكم عن مشاريع ال 10 ايام من ذي الحجة

ربنا قال عليهم احب الايام الي
حنسأل نفسنا ايه ده يعني احب من رمضان ؟ ايوه احب من رمضان
واحب من ال 10 الاواخر ؟ ايوه احب من ال 10 الاواخر
ايه ده يعني ممكن اتوب يعني ممكن ربنا يقبلني
ايوه ممكن طبعاااااا ومش حيقبلك وبس ده مستنيك تجيله وفاتحلك ابواب رحمته وكنوزه كلها وبيقولك تعالى واطلب كيفما تشاء
المشروع الاول : 1- ختمة القرءان يا جماعة 3 اجزاء كل يوم الصفحة الواحدة ب 4.5 مليون حسنة بالله عليكو لو قلنا الصفحة بألف جنيه
ايه اللي حيحصل؟
كله حيقرأ لا وممكن يختم المصحف كمان كل يوم كل ده عشان الف جنيه ايه الرخص اللي احنا فيه ده يعني عشان الفلوس والدنيا نقرأ طب احنا بنتكلم ف 4.5 مليون حسنة يعني تبقى مليردير ف الاخرة يعجبك قصر ف الجنة عايز تشتريه يقولولك تمنه 2 مليون حسنة تقول وماله معايا ادفع
عارفين القراءن ده اما نقراه حيكون لينا ايه حافظ في ظل الله , شفيع لينا ف البعث , ونيس لينا ف القبر واحنا ف وحدة من غير نت ولا اغاني ولا حاجة تسلينا , ساتر بينا وبين النار , البقرة و وال عمران لوحدهم يعملو كغمامتين فوق رأسك يوم القيامة ف عز الحر والعطش والشمس والنار
نضيع بقا كل ده ليه وعشان ايه ؟ لازم نستفيد والا نبقا ما نستهلش رحمة ربنا علينا

المشروع الثاني : الذكر وهو احب الاعمال لدى الله
يارب اجعلني لا انساك ابدااا
التسبيح - التحميد - التهليل - التكبير -اي سبحان الله والحمد لله ولا اله الا الله والله اكبر
شوف ثوابها بقا في ال 10 ايام دول كل كلمة ب شجرة يعني لو قلت كل كلمة 100 مرة في اليوم يعني ال 4 كلمات ب 400 شجرة يبقا عندك بستان يا عم ف الجنة
والله يا بلاش فعلن انا شايف انه عرض مميز جدا يضرب كل عروض البشر

المشروع التالت : التلبية الفورية يعني تلبية النداء الاذان يأذن تجري تقوم تصلي
وانا حشبهلكم الموضوع ده بحاجة وطبعا لله المثل الاعلى عشان اقدر اوصلكم احساسكو حيكون ازاي وانتو بتلبو الندا
لو واحد / واحدة خطيبته / خطيبها او سوري يعني بالمسمى اللي بيتقال دلوقتي حبيبته / حبيبها قال او قالت انا حتصل بيك 5 مرات ف اليوم حيبقا عامل ازاي مستني كل مرة تتصل فيها واول ما يسمع الموبايل يجري يبسيب اللي ف ايده ويرد طب ده عشان حب بشر امتلكك ولله المثل الاعلى فكيف سيكون حبك وعبادتك لرب البشر ربنا بيناديك 5 مرات ف اليوم يبقى واجبك انك ترد وتلبي وتنفذ فورا صح ولا كلامي غلط ؟

المشروع الرابع : وليمة كل صلاة
ثواب انك تردد الاذان
ثواب الوضوء
ثواب الصلاة على النبي
ثواب خطواتك للمسجد
ثواب دعائك بين الاذان والاقامة
ثواب السنة القبليه - النوافل
ثواب اول صف
ثواب تكبيرة الاحرام
ثواب السنة البعدية
ثواب الصلاة ده
وده ثواب الشباب اما البنات فمتقلقوش ليكم ثواب خطوات المسجد في بيوتكم

المشروع الخامس :احياء سنة التكبير كبر وانت نايم وانت رايح الجامعة وانت رايح الشغل وانت ماشي ف الشارع في كل مكان

المشروع السادس : قناطير الفردوس كيف تصبح مليونيرا؟
وذلك بالقيام بألف ايه
حنقول يااه الف ايه كتيير اوي
عارف لو ربنا بيحبك حيخليك تعملهم عشان عبادة القيام دي المختارين والمصطفين من الله همه اللي بيقدرو عليها ها ياترى حتقدر ياترى حتقدري
وال1000 ايه دول بس بالجزئين ال 29 و30
يعني مش صعبة اوي ان شاء الله ربنا يجعلنا من المختارين اللي يقدرو عليهم

المشروع السابع :حج ف بلدك ؟
ايه ده حنهرج ولا ايه هو في كعبة عملوها ف بلدي
لا بس المهم انك تاخد ثواب الحج ده ؟
طب ازاي من صلى الفجر في جماعة ثم ظل يذكر الله حتى بزوغ الشمس فصلى ركعتين كتبت له حجة وعمرة تامة تامة تامة طب ما فرصة
والناس كلها بتحج ناخد احنا كمان الثواب ونعمل الموضوع ده

المشروع التامن : 630 سنة حجاب من النار من صام يوما ف سبيل الله باعد الله بينه وبين النار 70 سنة

المشروع التاسع : اعتكاف يوم عرفة
مش حقولك اعتكفي في المسجد ده للبنات يعني ممكن طبعا يعتكفو ف البيت والشباب في المسجد لو قدرو

المشروع العاشر : افطار صائم نحاول نعزم بعض بس طبعا الشباب يعزمو الشباب اللي زيهم والبنات كذلك مش شباب يعزمو بنات ويقولو ثواب افطار صائم هههه
دول ال 10 مشاريع ها حنفوق يا جماعة حنتوب

عايزين نقف في وش كل معصية ونقولها انا اقوى منك
انا مش عبد ليكي
ابدا لن اعود وتقتلني الوعود
وتأخذني الذنوب وتصبح لي قيود
اسألك الاهي
اسألك كثيرا وكثيرا
اسألك رضائك و غفرانك
والجنة في رضوانك
اسألك حبك يملؤني يطهرني
من هول ذنوبي
وينقي قلبي من ذللي
وينسيني لهوي ومعاصي
اواه يا قلبي عليك
كم كنت سنون في غباء
تشتهي لهو الحديث
وتردد جمل الغناء
كم كنت ناقص من عقل
يعرف لغة الالك
اسالك التوبة يا مولاي
يا روحي الذائب في الجنة
اسالك اجابة لنداي
يا قبلة قلبي المتمنى
اسالك رؤياك ربي
اسألك الا انساك
وان احيا دوما زكراك
في قلبي وبلساني الحال
وفي فرحي وفي حزني رجاء
اسالك نصرك م الاهوال
وان تغفر لي بكل بلاء
اسألك من كل ذنوبي
ان تقبل مني التوبات
ان ترضى عني بدعاء
ان تغفر لي خطاياي
وتنصرني على الاعداء
ان تمحو هفوات كثيرة
ظلت ف القلب كداء
ان ترضى عن عبد
اجترأ يوما وعصاك
عذرا ربي ما كان يفهم لغواك
ما كان يعلم بجلالك
كان اجهل من انا يهواك
ربي اسألك الغفران
والطهر من العصيان
والصحوة م الغفلات
ونجاة م الشهوات
وخشوعا ف الصلوات
وصبرا ف الازمات
اسألك كثيرا وكثيرا
فانا عبد طماع
طماع ف رحماك
مجنون بلغاك
وقرءانك ورضاك
وحبك دون سواك
واكررها
ربي اسألك الغفران

بعتذر عن الإطالة بس أعتقدان الموضوع مينفعش انه يتجزأ :)
لازم جرعة واحدة :)
واسأل الله الثبات
واسأل الله ان يعلمنا ما ينفعنا وينفعنا بما علمنا
وأن يجعلنا ممن يستمعون القول فيتبعون أحسنه
وأن نكون من المقبولين والمرحومين والمعتوقة رقابهم

اللهم آمين .اللهم آمين . اللهم آمين


منقولا أملا في كسب رضا الله بالدعوة بالحسنة
الرجوع الى أعلى الصفحة اذهب الى الأسفل
زهرة الزهراء





انثى
العذراء عدد الرسائل : 3979
العمر : 28
العمل/الدراسة : طالبه جغرافيا الفرقه الثالثه
الاقامة : المملكة العربية السعودية
الأوسمه :
السٌّمعَة : 28
نقاط : 8489
تاريخ التسجيل : 10/04/2009

مُساهمةموضوع: رد: عرض مميز - لفترة محدودة   الأربعاء نوفمبر 11, 2009 3:56 pm

بارك الله فيك وجزاك كل خير على هذا الموضوع

والله يهديه الجميع الى طريق الخير والصلاح

ياريت الكل يطبق الموضوع بشكل عملي ويطور من نفسه ودايم ينظر الى من هو اعلى درجات منه في العباده

يعني بالاول انا اقرأ صفحه من القران كل يوم .....مااقتصر على كده انظر الى الشباب اللي في عمري وهيه حافظه للقران ليش انا مااحفظ القران هما احسن مني ؟؟؟؟؟.....يعني اصير اقرأ صفحه من القران بعد كل فريضه وهذا بساعدني على سرعه حفظ القران .....مااقتصر على كده طيب الشاب او الشابه اللي في عمري ويلقوا محاضرات في تفسير القران كمان هما احسن مني ؟؟؟؟؟؟ ليش بعد ما اقرأ هاي الصفحه من القران ارجع الى التفاسير اللي تساعدني في فهم القران ....لان الشخص اللي يقرا للقران وهو يفهم معانيه يختلف على القارئ اللي يقرأ بدون مايعرف تفسير القران .......وكمان مااقتصر على كده احاول اتعلم قراءه القران باحكام التجويد بطريقه صحيحه ..........الخ

وكمان لما اكون انا سهران ع النت او اي حاجه تانيه افكر انو في شاب اوشابه بعمري سهران عشان يصلي صلاه الليل عشان يناجي ربه عشان يخلو بربه ......عيناه تفيض بالدموع من خشيه الله ......طيب ليش مااكون زيه واحسن منه ؟؟؟؟؟

انظر الى الشاب اللي يتعشى بخبز يابس ...بالرغم من توفر كل انواع الاطعمه في بيته ....بس يحاول يضبط نفسه يعودها على الحرمان ...ما يصير اسير لنفسه ....ينام خفيف عشان يقدر يقوم لصلاه الليل والعباده

موضوع فتح امامي الكثير الكثير من الابواب

عذرا على الاطاله ولو انو الكلام في هيك موضوع ما يخلص

تسلم ايدك يافانتوم

واختم كلامي بهذا الجزء من دعاء الافتتاح لان افتكرته واني اقرا الموضوع
...... فلم ارى مولى كريما اصبر على عبد ليئم منك علي يارب انك تدعوني فاولى عنك وتتحبب الي فاتبغض اليك وتتود الي فلا اقبل منك كان لي التطول عليك فلم يمنعك ذلك من الرحمه لي والاحسان الي والتفضل علي بجودك وكرمك فارحم عبدك الجاهل وجد عليه بفضل احسانك انك جواد كريم ......
الرجوع الى أعلى الصفحة اذهب الى الأسفل
روميو





ذكر
الحمل عدد الرسائل : 95
العمر : 106
العمل/الدراسة : مبرمج
الاقامة : وانت مالك انت
السٌّمعَة : 3
نقاط : 2731
تاريخ التسجيل : 06/11/2009

مُساهمةموضوع: رد: عرض مميز - لفترة محدودة   الخميس نوفمبر 12, 2009 4:15 pm

الله يهديكم للخير دائما
الرجوع الى أعلى الصفحة اذهب الى الأسفل
http://www.hajana.eb2a.com/vلا
semba500





ذكر
الميزان عدد الرسائل : 1009
العمر : 27
العمل/الدراسة : الفرقه 3 كليه تجاره شعبه محاسبه
الاقامة : فى قلب حبيبتى
السٌّمعَة : 18
نقاط : 3960
تاريخ التسجيل : 29/10/2009

مُساهمةموضوع: رد: عرض مميز - لفترة محدودة   الجمعة نوفمبر 13, 2009 11:52 am

يارب اهدينا ووفقنا لما فيه الخير لنا


تسلم ايدك يافانتوم
الرجوع الى أعلى الصفحة اذهب الى الأسفل
نقيب / محمد صلاح الدين





ذكر
الميزان عدد الرسائل : 9
العمر : 35
العمل/الدراسة : القوات المسلحة المصرية
الاقامة : جمهوية مصر العربية
السٌّمعَة : 10
نقاط : 3106
تاريخ التسجيل : 12/11/2009

مُساهمةموضوع: رد: عرض مميز - لفترة محدودة   الجمعة نوفمبر 13, 2009 1:16 pm

اقتباس :
ولو واحدة متحجبة بس حجاب يعني مش اللي يرضي ربنا والنبي مش الحجاب اللي تقدر تسلم بيه عالنبي لو شافته ف الشارع او يوم القيامة او عند الصراط او .. او .. وسابت الحجاب ده ودورت عن الحجاب اللي يرضي حبيبنا ونبيه وحاولت حتى تكون قريبه له مش حقول تلبسه كله بس تكون اقرب حاجة منه تقدر عليها كل السنين اللي كانت متبرجة فيها ذنوبها تتقلب حسنات
بالله عليكم مش مشروع يكسب وناجح ويشجع


حقا رائع جدا هذا الاسلوب احييك عليه


دلوقتي حكلمكم عن مشاريع ال 10 ايام من ذي الحجة
اقتباس :

ربنا قال عليهم احب الايام الي
حنسأل نفسنا ايه ده يعني احب من رمضان ؟ ايوه احب من رمضان
واحب من ال 10 الاواخر ؟ ايوه احب من ال 10 الاواخر
ايه ده يعني ممكن اتوب يعني ممكن ربنا يقبلني
ايوه ممكن طبعاااااا ومش حيقبلك وبس ده مستنيك تجيله وفاتحلك ابواب رحمته وكنوزه كلها وبيقولك تعالى واطلب كيفما تشاء

بعون الله اذا اعطانا عمر نحافظ عليهم ونستثمرهم
وربنا يتقبل منا


اقتباس :

المشروع التالت : التلبية الفورية يعني تلبية النداء الاذان يأذن تجري تقوم تصلي

فعلا احساس رائع بالراحه النفسيه وانت تصلي الفرض في معاده وجماعة

اقتباس :


المشروع السابع :حج ف بلدك ؟
ايه ده حنهرج ولا ايه هو في كعبة عملوها ف بلدي
لا بس المهم انك تاخد ثواب الحج ده ؟
طب ازاي من صلى الفجر في جماعة ثم ظل يذكر الله حتى بزوغ الشمس فصلى ركعتين كتبت له حجة وعمرة تامة تامة تامة طب ما فرصة
والناس كلها بتحج ناخد احنا كمان الثواب ونعمل الموضوع ده





كلام صحيح

وفعلا بحاول اطبقها كلما سمح الامر



اقتباس :

المشروع التاسع : اعتكاف يوم عرفة
مش حقولك اعتكفي في المسجد ده للبنات يعني ممكن طبعا يعتكفو ف البيت والشباب في المسجد لو قدرو

ربنا يقدرنا جميعا على ذلك

اقتباس :


بعتذر عن الإطالة بس أعتقدان الموضوع مينفعش انه يتجزأ
لازم جرعة واحدة

لم اشعر بأي اطاله اسلوبك شيق جدا اللهم بارك


اقتباس :
منقولا أملا في كسب رضا الله بالدعوة بالحسنة


اللهم بارك في عملك واعانك على الدعوه الحسنه

كل الشكرو التقدير لمجهودك العظيم
الرجوع الى أعلى الصفحة اذهب الى الأسفل
semba500





ذكر
الميزان عدد الرسائل : 1009
العمر : 27
العمل/الدراسة : الفرقه 3 كليه تجاره شعبه محاسبه
الاقامة : فى قلب حبيبتى
السٌّمعَة : 18
نقاط : 3960
تاريخ التسجيل : 29/10/2009

مُساهمةموضوع: رد: عرض مميز - لفترة محدودة   الجمعة نوفمبر 20, 2009 10:46 pm

بارك الله فيك وجزاك كل خير على هذا الموضوع
الرجوع الى أعلى الصفحة اذهب الى الأسفل
nadalive





انثى
الجدي عدد الرسائل : 8
العمر : 28
العمل/الدراسة : ماجستير محاسبه
الاقامة : الاسكندريه
السٌّمعَة : 0
نقاط : 2200
تاريخ التسجيل : 06/12/2010

مُساهمةموضوع: رد: عرض مميز - لفترة محدودة   الإثنين ديسمبر 06, 2010 7:11 pm

جزاك الله خيرا وجعلك من الصالحين
الرجوع الى أعلى الصفحة اذهب الى الأسفل
 
عرض مميز - لفترة محدودة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الجامعة العربية :: الجناح الاسلامي :: القسم الاسلامي العام-
انتقل الى: