منتدى الجامعة العربية
عزيزي الزائر اهلا بك في اسرة منتديات الجامعة العربية هذه الرساله تفيد بأنك غير مسجل يتوجب عليك التسجيل لتتمكن من رؤية روابط التحميل والمساهمة في المنتدى - كما يجب وضع رد لرؤية الروابط


للتميز عنوان - شاركنا الحلم
 
الرئيسيةالتسجيلدخول
سبحان الله والحمد لله لا اله الا الله و الله اكبر
بحـث
 
 

نتائج البحث
 
Rechercher بحث متقدم
المواضيع الأخيرة
تسجيل صفحاتك المفضلة في مواقع خارجية
قم بحفض و مشاطرة الرابط الجغرافيا كما يجب ان تكون على موقع حفض الصفحات
الإبحار
 البوابة
 الفهرس
 البيانات الشخصية
 س .و .ج
 ابحـث
التبادل الاعلاني

شاطر | 
 

 طريقه حب مختلفه..فرق 15 س..انت بابا وانت ماما وانت كل حاجه !!؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
snow bird





ذكر
الميزان عدد الرسائل : 62
العمر : 32
العمل/الدراسة : link for network @ comunication
الاقامة : الحمد لله
السٌّمعَة : 12
نقاط : 2855
تاريخ التسجيل : 03/05/2009

مُساهمةموضوع: طريقه حب مختلفه..فرق 15 س..انت بابا وانت ماما وانت كل حاجه !!؟؟   السبت مايو 23, 2009 11:12 am

[size=12]




لما جيت أكتب في موضوع الحب مع فرق السن -أيوه اللي إنتم بتقروه ده دلوقتي- نطت في دماغي صورة مَلَك (روجينا) في مسلسل "كلمات" اللي كان بيجي على القناة التالتة، وهي يا حرام مموتة نفسها جلسرين.. قصدي مموتة نفسها عياط، وعمالة تتغزل في شعر عزيز "حسين فهمي طبعا" الفضي اللي بيدل على خبرته الواسعة في الحياة "وعلى كريم الجيل اللي بيستخدمه أكيد" وبتقول "إلا عزيز.. إلا عزيز!"
وبرضه نطت في دماغي صورة ماجدة "مش فاكره اسمها كان إيه" في قصة "إحسان عبد القدوس" اللي اتحولت فيلم: "أين عمري"، وصوتها اللي كأنه جاي من تحت أعماق البحر وهي تقفز في مرح مرددة "ع-ع-ع-م-و ع-ع-ع-ز-ز-ز-يز.. عمو عزيز".
وبعد شوية تفكير، في "إيه الحكمة اللي بتخلي كل الرجالة الكبار اللي بيحبوا بنات صغيرة يكون اسمهم عزيز؟" .. أقنعت نفسي بإن "ممكن سلو بلدهم يكون كده" ودفنت نفسي تحت بطانيتي الدوبل وهاتك يا "زززززززز"!

استعنا ع الشقا
تاني يوم، لقيت ورقي لسه فاضي، وما كتبتش حاجة في الموضوع "اللي إنتم بتقروه دلوقتي برضه"، رحت خدت لي غطس سريع في الـ"جوجل"، لقيت إن الحب في وجود فرق سن كبير طلع موضوع كبييير وله أبعاد نفسية ما كانتش تيجي على بال الواحد.

ماخُدش العجوز أنا
على عكس ما قد يظن البعض "وعلى عكس كلام المثل"، فيه عدد من البنات زي ما إنتم قريتم في المقالات التانية اللي في العدد ده، بتفضل إن فرق السن بينها وبين الإنسان اللي هترتبط بيه يكون كبييييير، وعلم النفس بيقول..

لما الفتاة بتتعلق براجل سنه كبير، في سن أبوها مثلا، ممكن ده يعني إنها مفتقدة لحضنه.. بتكون محتاجة حد ناضج يتحمل مسئوليتها وما يخليهاش تحمل هم بكره، متبعة معاه مبدأ "إنت بابا وإنت ماما وإنت كل حاجة في حياتي". الحالات دي مش بتكون مرضية بالضرورة، لأن طالما حصل نوع من أنواع الإشباع النفسي والعقلي والفكري، البنت مش بتفكر في لون الشعر أو في التجاعيد أو في الكلام ده.


دي زي بنتي وأكتر
في رواية ، بعنوان "لوليتا" كتب الكاتب الروسي نابوكوف عن "همبرت" اللي بيقع في غرام الفتيات الصغيرة اللي مش بتشرب اللبن.. قصدي اللي بيمتلكوا سحر أنثوي بيسبق سنهم. الرواية تراجيدية بتنتهي بموت "لوليتا" -اللي هي الطفلة اللي حبها "همبرت"- بعد محاولات بائسة في الحصول عليها، في أحد أعياد الكريسماس. علم النفس برضه بيقول بخصوص الموضوع ده..
لما راجل كبير في السن بيتعلق بفتاة ممكن يكون بيدور معاها على حلم الشباب الضايع.. على الحيوية.. والاندفاع وحس المواجهة. ممكن كمان تكون علاقة مرضية، بغرض الحصول على "قطة مغمضة".. محترفة قول "حاضر.. ونعم.. وتحت أمرك" من غير مناقشة أو معارضة.. يعني.. نوع من أنواع التسلط الذكوري المعتاد، أو حتى كنوع من أنواع المراهقة المتأخرة.

عقدة وشنيطة
أحب أمه، وتزوجها "من غير ما يعرف إنها أمه"، وقتل أباه.
ده باختصار شديد، الأسطورة الإغريقية بتاعة "أوديب" اللي "فرويد" حولها لعقدة نفسية مشهورة. عم "فرويد" بيقول إن تفسير ارتباط الشاب بأمه -أو بأي واحدة في سن أمه- بيكون راجع لقصر أو خلل في النمو النفسي. يعني كأن الإنسان بيقف عند مرحلة الطفولة اللي بيكون فيها متعلق قوي بوالدته وبيكون كاره وجود والده اللي بيستحوذ على جزء مش صغير باهتمام الأم، ومش بيكبر نفسيا وعاطفيا عن كده.
المشاعر البدائية دي بتزول عن الناس الطبيعية بمجرد مرور السنين، والشيء غير الطبيعي إن المشاعر دي تفضل زي ما هي.

أمشيه ع العجين
الحالات اللي بترتبط فيها السيدات اللي سنهم كبير شوية برجال أصغر منهم في السن بكتير "شباب يعني" بتكون قليلة بالمقارنة بأي حالة من الحالات التلاتة اللي اتكلمنا عنهم، وده عادة ما بيكون بسبب إنها بتشكل نوع من أنواع الـ"تابوو" الاجتماعي "حاجة زي الفضيحة كده".
المرأة دايما بتكون محتاجة لشخص تعتمد عليه.. يحميها ويحافظ عليها و-الأهم من ده كله- يحتويها. والمشاعر دي كلها عادة ما بتجدها في شخص أكبر منها في السن لأنها بتحس إن خبرته الحياتيه أكبر منها ومعلوماته وثقافته أكتر. ممكن يكون فيه دوافع لعلاقة زي دي، إنها مثلا تكون متسلطة وعندها رغبة في أن "تمشيه ع العجين ما يلخبطوش"، أو -بفرض حسن النية- ممكن ما تكونش لقت شخص مناسب لحد دلوقتي!

اشتغالات
وزي ما عودنا قراءنا الأعزاء بإننا نشتغلهم.. قصدي نسألهم عن رأيهم في موضوع العدد، السؤال يا حضرات كالتالي..

هل ممكن ترتبط بواحد/ واحدة يكون فرق السن بينكم كبير؟ هل تعرفوا حالات مشابهة؟ كانت نتيجتها إيه؟ هل استمرت؟.. هل فشلت؟.. ليه يا ترى؟ مستنيينكم.. لسه ما بعتوش؟؟!


[/size]
الرجوع الى أعلى الصفحة اذهب الى الأسفل
Islam . M . R
رجل المستحيل
رجل المستحيل


ذكر
عدد الرسائل : 10843
الأوسمه :
السٌّمعَة : 456
نقاط : 23987
تاريخ التسجيل : 01/04/2008

مُساهمةموضوع: رد: طريقه حب مختلفه..فرق 15 س..انت بابا وانت ماما وانت كل حاجه !!؟؟   السبت مايو 23, 2009 12:56 pm

بصراحه لا يستحيل لان السبب في اني ارتبط بواحده ااكبر مني اكيد هيكون دافع مادي
والفلوس احنا اللي بنعملها مش هي اللي بتعملنا
ولازم امشي مع سنه الحياه واعيش حياتي الطبيعيبة
عرفت كتير فعلا عملوا كده ومتزوجين قريب لكن ملحقتش اعرف هل نجحوا ولا لا بس اللي حاسس بيه انها مش سعيده
هل كانت زوجه صاحب العمل اللي انا فيه وكانت هي في سني وقتها يعني تقريبا كنا 20 سنه وهو كان 45 سنه
كنت بحس ان عندها نقص لانها كانت دايما تحب تيجي تتكلم معايا وتحكيلي عن مشاكلها وحاياتها وكانت ايه قبل الزواج وكنت حاسس فعلا انها كانت تتمنى شاب وهي بردو تزوجته عشان الفلوس لكن بعد كده حست انه متزوجها لهدف واحد ومش عايز غيره لانه متزوج قبلها وعنده اولاد اقل واحد 23 سنه يعني اكبر منها

وفي النهايه ربنا يسعد الجميع
اشكرك على المشاركه والموضوع القيم
ونورت المنتدى وسعداء جدا بوجودك
تقبل تحياتي ومروري

_________________



سكوتي .. لا يعني جهلي بما يدور من حولي .. بل أن من حولي لا يستحق الرد!!!!
الرجوع الى أعلى الصفحة اذهب الى الأسفل
http://thebestgeo.hooxs.com
زهرة الزهراء





انثى
العذراء عدد الرسائل : 3979
العمر : 28
العمل/الدراسة : طالبه جغرافيا الفرقه الثالثه
الاقامة : المملكة العربية السعودية
الأوسمه :
السٌّمعَة : 28
نقاط : 8486
تاريخ التسجيل : 10/04/2009

مُساهمةموضوع: رد: طريقه حب مختلفه..فرق 15 س..انت بابا وانت ماما وانت كل حاجه !!؟؟   السبت مايو 23, 2009 1:24 pm

اول شكرا لك اخي على هذا الموضوع الهادف جزاك الله كل خير

وبالنسبه لي مستحيل ارتبط بشخص هناك فارق السنه بينا وبينه كبير وراح يكون هذا الشخص مرفوض من اهلي قبل ما اني ارفضه

وبعدين اني لا اويد هذه الفكره لا بكون فيه اختلاف بين الزوجين في كل حاجه في التفكير في الهدف في الطموح

والزوجين لازم يكون في اتفاق بينهم

بس هيه بتحصل وممكن تنجح العلاقه وممكن تفشل يتمد على الزوجين
الرجوع الى أعلى الصفحة اذهب الى الأسفل
snow bird





ذكر
الميزان عدد الرسائل : 62
العمر : 32
العمل/الدراسة : link for network @ comunication
الاقامة : الحمد لله
السٌّمعَة : 12
نقاط : 2855
تاريخ التسجيل : 03/05/2009

مُساهمةموضوع: رد: طريقه حب مختلفه..فرق 15 س..انت بابا وانت ماما وانت كل حاجه !!؟؟   السبت مايو 23, 2009 3:22 pm

ااولا
احب اشكركم على ردودكم وشكر على المرور الكريم
وابداء الراى

وطبعا هو من المستحيل والصعب

بس على فكره فى حالات كتير موجوده فعلا كده
فى منها اللى عشان فلوس او عشان اللى بيحس بنقس وفى حاجاه اكتر
واكيد كلنا شفنا قصة وفيلم
العذراء والشعر الابيض

اه المعظم بيكون عشان الماده او لهدف معين
بس بردوا غريبه انك ممكن تلاقى حالات نادره كده وعايشه وماشية

وربنا يهدى الجميع
ويسهلها على الكل يا رب
اللهم امين
الرجوع الى أعلى الصفحة اذهب الى الأسفل
 
طريقه حب مختلفه..فرق 15 س..انت بابا وانت ماما وانت كل حاجه !!؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الجامعة العربية :: أحلى لمة نقاش وحوار-
انتقل الى: