شبين المحروسه

موضوع: شبين المحروسه الخميس أكتوبر 23, 2008 9:58 pm

السلااااااااااام عليكم ورحمه الله وبركاته

احم احم يعني .. احب اعرفكو على منطقتي .. شبين المحروسه

شبين كما نراها

طول عمرنا كل مانروح حتى بره شبين و الناس تسألنا انتوا منين ؟ و نرد بثقه احنا منايفه .. تلاقى علامات الاسبهلال نطت على وشوشهم .. و اللى يقولك ايه ده بس انتى بتلبسى حلو اكيد بتجيبى لبسك من كايرو او اليكس .. و اللى تقولك يا سلام امال ازاى بتتكلموا زينا مافيش لهجة فى كلامكم .. و فيه اللى ناقص يقولك اكيد انت راكن الحمارة برة .. على اساس اننا داخلين عليهم بالبلاص .. احنا طبعا بنحترم كل التعليقات اللى فوق دى بس قلنا نعرفهم اكتر بينا و بشبين

مجرد ماتيجى سيرة شبين لازم تعرفوا 3 حاجات مهمين

1-احنا بلد زراعى ده الاساس

شبين المحروسه Loza(159)

2-احنا بلد الريس-المنوفية- و اللى يرشنا بالمياه نرشه بالسلفوريك اسيد

شبين المحروسه Loza(096)

3-اى نعم احنا بلد زراعى بس بطلنا نركب الحمارة...و اى نعم عندنا عربيات بس دى من ايام البكويه ايام العز و النغنغة

شبين المحروسه S4030006

هاهاها كنا بنضحّك معاكم احنا برضه عندنا عربيات نضيفة و اخر شوياكه اهه

شبين المحروسه Loza(093)

حيث بأه انك عرفت اهم تلات حاجة عن شبين فاحنا لازم نرحب بكم و اول ماتدخلوا شبين هتلاقى ترحيب حار و يفط اهلا و مرحبا بكم الخ الخ الخ

شبين المحروسه Loza(107)

و بعد الترحيب و الذى منه هتلاقى احلى منظر ممكن تشوفه..."بحر شبين" زى ما بنسميه او نهرالنيل زى ما بتسموه .. و الاحلى من منظر النيل هو منظر الصياد وهو بيشاورلك و بيضحك اصفى ضحكة ممكن تسمعها فى حياتك

شبين المحروسه S4030015

أو تتمشى على الكورنيش ده >> ده الكرنيش اللي بهرب اعد عليه

شبين المحروسه Loza(085)

خلاص زهقت من المشى تعالى اقعد فى حديقة العليااء .. بس استنى الدخول لازم يكون كابلز بس .. دورلك على فردة تانيه و تعالى
طبعا بنهرج الحديقة دى مش على طول كده دى بيقام فيها ندوات حتى مصطفى حسني و ناس مهمة بيستضيفوهم فيها"بس احيانا ....."

شبين المحروسه Loza(066)

و هنا بئا لو عايز تاخد نزهة نيلية فى احلى معدية ب ربع جنيه تاخدلك لفتين رايح جاى

مش الاتوبيس النهرى بتاع القاهرة المقفول

شبين المحروسه Loza(076)

و احلى فسحة فيكى يا شبين تنزلوا تتمشوا فى شارع الاستاد و تلفوا حواليين النافورة اللى نفسنا نشوف فيها ميا دى ... و على فكرة برده دى تعتبر الفسحة الوحيده فيكى يا شبين "
على فكرة ده اعجاز ان الشارع كان فاضى كده بس الكلام ده كان الصبح بدرى جدا

شبين المحروسه Loza(094)

دا الشارع وهو زحمة بئا بالليل

شبين المحروسه %D9%A1%D9%A0%D9%A0%D9%A2%D9%A2%D9%A0%D9%A0%D9%A8%D9%A0%D9%A4%D9%A3

و الحمد لله شوارعنا متسفلته و اخر حلاوة اهه لا و متشجرة و حركاات
..و المبنى ده مقر ادارة الجامعة

وده تاكسي شبين اللى فى الصورة اللى فوق

شبين المحروسه S4030012

اللى عنده قوة ملاحظة ممكن يشوفه
كان فى صورة تانية للتاكسى الكبير (السرفيس)بس مش راضية تظهر

عموما هيا نفس الشكل الصغير ده بس بالحجم الكومبو

وحيث اننا بلد الريس ..لازم "ماما " سوزان تسيبلنا حاجة من ريحتها و هى مكتبة سوزان مبارك

شبين المحروسه Loza(060)

و برضه حاجة من الريس ... و كلنا ديموقراطيين و ماحدش يفتح بؤه

شبين المحروسه S4030022

و برضه كلنا برييمو فى الفهلوة ...بيع و شرا

شبين المحروسه S4030018

هنا بأه برج القاهرة مش قلتلكم بلد الريس....وسعت صح...ماشى دى ساعة الجامعة..ادعوا تتضبط بس

شبين المحروسه S4030021

دا بئا مبنى الدراسات الوطنية تاخد فيه اى كورسات انت عايزها ومتفهمش حاجة فى الاخر بردوا

شبين المحروسه S4030009

ههههههههههههههه وكده خلصت شبين المحروسه ..
على فكره الموضوع ملطوش بس ان شاء الله بكره هتنطط في الشوارع واصوركم المطاعم وخصوصا مطعم الطيبات اللي فيه 1000 حكايه

ولنا لقاء آخر ان شاء الله مع شبين المحروسه

وطبعا منساش كليتي اهي تحت اهي في التوقيع

طبعا حلوة وزي العسل ادام نيمو فيها دي ازدادت شرف ونور بيكي يا قمر
تسلمي علي الجولة الجميلة دي
وان شاء الله تكوني مبسوطة هناك وربنا يوفقك في كليتك باذن الله

جامدة شبين
حد يقدر يقول حاجه

لا نملك الا ان نقول
جامدة جامدة بجد
هههههههههههههه

نورتى مصر
وربنا يوفقك فى الجامعة ان شاء الله

هههههههههههههههههههههههههه .. مالك يا ميديكال .. شكل حد واقف على رقبتك وانت بتقول جامدة جامدة .. هههههههههه

هيا والله حلوة باللي فيها .. انما كبلد .. بس بقى بلاش اتكلم ..

ياسلااااااااااااام على شارع الاستاد .. توحفة .. هههههههههههههههههههههههه كل شباب بليل .. ومش بيحبوا يخرجونا فيه .. ههههههههههههههه ..

تسلمي على الصور يا نيمو .. حلوين بلدنا حلوة اووووي ..

هههههههههههه
حد واقف على رقبتى ازاى بس

انا بهزر بس

بس بجد جميلة
كفايه انتوا فيها

حيث كده انا كنت محتاج منكم خدمة
من شبين

انت تؤمر يا دكتور واحنا ننفذ ..

وباذن الله نقدر نعملهالك .. بس انت اؤمر بس .. واحنا تحت الطلب .. :)

انا كمان محتاج خدمة من شبين اشمعني محمد

هههههههههههههههههههههههههههههههه .. ومالو يا اسلام .ز
انت تؤمر انت كووومان ..
اؤمر واحنا ننفذ .. كولنا تحت طوعك . :)

ميرسي انا بجرب بس
شايلينكم لوقت الشدة

الله هي دي بقي شبين بالليل
رحتها مرة واحدة بالنهار واتبهدلت كنا بنغير السوبر جت عطل في الطريق
ههههههههههههههههههههههههههههههه

بس والله البلد جميلة قوي خصوصا المناطق الزراعية تحب تقعد تحت شجرة التوت وتذاكر كدة
ايييييييييييييييييييه اياااااااام
كانت زي العسل

كله كوم والجامعة كوم تاني تصدق يا اسلام جامعة من غير سور ولا امن يقولك الكرنية لوسمحت
ههههههههههههههههههههههههههههههههههههههههههههه
والكليات شبه العمارات السكنية بجد جامعة غريبة

تسلمي يا نيمو والصور توحفة

عشان تعرفوا ان شبين حاجة مش اي حاجة خخخخخخخ

منورين كلكو والله .. وليكو عليا عزومه فيها على حسابكو >> شغل منايفه بقى خخخخخخخ