مش عارف ليه حاسس بالغربة ؟

شئ فظيع بجد انك تكون حاسس بغربة و عزلة وانت في وسط صحابك حتي في المنتدي بتاعنا بالرغم اني حبيت المنتدي جدا وكان عندي طموحات كبيرة ليه لكن فجاة ملقتش حد بيرد علي الموضوعات بتاعتي الرد الي يشجع وكانهم بدوا يطنشونا ربنا يخليها سلمي و لؤلؤة هما الوحيدين تقريبا الي بيردوا علي مواضيعي

ومن هنا بصراحة انا باقود حملة لتعيني مشرف لمنتدي الصيادلة لان المنتدي شكله وحش قوي من غير مشرفين
ومستعد لكل الشروط والواجبات الي يمليها منصب الاشراف عليه
وعاوزين كل الناس تاسندني بقي في حملة الاشراف دي عاوزين ها ثورة مش حملة ولا بلاش ثورة دي علشان مندخلش السجن
هههههههههههههه
المهم شارك معانا بكلمك _ ارشحك يا احمد مشرف لمنتدي الصيادلة _
وبكده نحط حبيب قلبي _اسلام مؤسس المنتدي _ قدام الامر الواقع زي الانجليز ماعملوا في الملك فاروق كده ايام وزارة النحاس باشا وطبعا
اخوكم :احمد عبد العظيم المتحدث باسم كتائب الكتكوت الشرس سابقا ومرشح الاشراف منتدي الصيدلة حاليا
18/8/2008

محدش بدأ يطنش ولا حاجة هو فعلا انت لو كنت بتدخل كتير وملتزم باشرافك كنت عرفت النظم الجديد اللي هو اخفاء الروابط واللي دلوقتي تقريبا معظم الناس شغالة فية
ومش هقول كلام تاني زيادة علي شوشو هي قالت كل حاجة وبس
ياريت بقي تكون قد كلامك ونشوف شغلك الجامد تاني ومحدش هيتاخر عنك في حاجة كلنا اسرة واحدة
في رعاية الله

اية يا حمادة عاش من شافك يا راجل
غربى اية بس انت اللي غبت عننا فجأة ومحدش بيشوفك
عموما يلا هما فهموك الموقف
واهلا بيك تاني من جديد ونورتنا يا جميل
وعايزين نشوف نشاطك تاني
وبالنسبة للاشراف فاحنا نتشرف بكونك مشرف معانا بس اثبت نفسك وانك قد المسؤلية زي ما قولت
مش في صيدلة بس
لا في المنتدي كلة زي المشرفين هنا موضوعاتهم في كل الاقسام
واي حاجة اي وقت احنا كلنا في خدمتك
بالتوفيق ان شاء الله
تحياتي

انا مش هاقول غير شكرا
وعادي انا لاكنت حاسس بالغربة ولا حاجة انا كل مافي الموضوع اني كنت عاوز اتكلم معاكوا شوية وخلاص
عموما انا مش هتكلم كتير
احنا بتوع افعال لا اقوال
لكن موضوع الاخفاء بتاع الروابط ده انا مش هاعمله لانه بحرق دم الناس غير ان العضو ازاي هيرد علي حاجة مشفهاش من الاساس
واحنا مش عاوزين نمنع العلم عن الناس
اخوكم احمد _ المتحدث باسم كتائب الكتكوت الشرس سابقا _
19/8/2008