:::[ كوني قوية ]:::

بسم الله الرحمن الرحيم

في السابق كانت جداتنا يعملن بجد منذ صغرهن، وكن يتعرضن لمعاملة صارمة جداً وقاسية من الأهل.. فيتعلمن أمور المنزل وتدبيره منذ الصغر، ويتعلمن كيف يتعاملن مع المشاكل الطارئة ويستطعن تحمل مسؤوليات عديدة.. فلا يبلغن العشرين إلا وقد خضن الكثير من تجارب الحياة وأصبحت لديهن القوة الكافية للتعامل مع المواقف التي تتطلب القوة والتحمل..

أما اليوم.. فالفتيات في هذا الزمن مرفهات جداً.. وتربيتهن لا تؤهلهن لتحمل مسؤولية مواجهة الحياة حين يكبرن.. صحيح أنهن لم يعانين مثل جداتنا – ونحن لا نريد لهن ذاك – لكنهن أصبحن يعتقدن أن الحياة كلها راحة وسعادة.. وهن يحذفن الألم تماماً من قاموس حياتهن ويعتبرنه دخيلاً عليها..

فإذا أصابت إحداهن مشكلة أو واجهت مصيبة قاسية.. انهارت واعتقدت أن الدنيا قد أقفلت الأبواب في وجهها..

إنهن يفتقدن للقوة والاحتمال والصبر على الشدائد.. ويتناسين قول الله تعالى : (لقد خلقنا الإنسان في كبد) فالإنسان مخلوق أصلاً في مشقة ومعاناة وعليه أن يواجه المعاناة في كل أيام حياته.. والمسلم الحقيقي يحتسب هذه الآلام ويصبر لأنه يعلم أن هذه الدار ما هي إلا دار ابتلاء واختبار والنعيم الأبدي ليس إلا في الجنة..

أما ما تفعله بعض الفتيات من الانهيار لأبسط مشكلة تواجهها وعدم تحمل أقل صدمة تواجهها فهذا عين الخطأ والضعف..

أعرف فتاة انقطعت عن الدراسة لأنها فقدت عزيزاً.. وأخرى أغمي عليها لأن المشرفة الاجتماعية حققت معها في أمر لمجرد التأكد فقط.. وثالثة أغمي عليها أيضاً لأنها رأت ساق صديقتها حين جرحت..

وأستغرب.. كيف يمكن لفتاة لا تستطيع احتمال كل هذه الأمور أن تكون مسؤولة عن بيت وأطفال؟ كيف يمكن لها أن تكون أم المستقبل التي تخرج أبناء الأمة الأقوياء؟

حاولي يا ابنتي أن تكوني دائماً أكثر قوة واحتمالاً لخوض غمار هذه الحياة.. فالحياة أمامك طويلة إن شاء الله.. وستمر عليك الكثير من الأحداث والمشاكل.. وأنت المسؤولة عن نفسك في النهاية..

فكوني قوية!

للنقـــــــــــــــــــــاش

فعلا يا دعاء .. البنت في الزمن الحالي بقت ضعيفة جدا
شوية ريح ممكن يهزوها .. ويوقعوها ..

هوا أعتقد كل اللي مطلوب بس انها تعود نفسها على مصاعب الحياه ..
يعني ماتعيش اوووي دلع مامتها وباباها ..
لان الدلع دا في بيت جوزها مش هيبقى موجود..
أعتقد ممكن سبب ان البنت بقت مرفهة زيادة .. هيا وسائل الراحة اللي انتشرت ..

أكيد دي حاجة كويسة ان احنا نرتاح .. بس مش كويس ان احنا نتعود على الكسل ..
احممممممم الكلام دا يوجه لشخصي طبعا اوووولا .. لاني ماليش اوي في شغل البيت والحاجات دي هههههههههههه

بس سدقيني تحمل المسؤلية بتغير ..
لما تنحطي قدام الامر الواقع .. بتتحملي وبتجمدى ..

وتسلمي يا دودو

اة والله انا كل حاجة بعد اعيط حتي لو تافهة معرفش لية بس اتودت علي كدة
بس مش معني كدة اني مقدرش اتحمل مسؤلية بالعكس وقت الجد بنسي الدلع وببقي حاجة تانية
بجد موضوع جميل قوي ومهم ميرررررسي يا عسلا

هو موضوع جميل جدا على فكرة

فكرة امهاتالماضى كانوا بيهيئوا جيدا ليكونوا امهات المستقبل

مكنش فيه دلع

كان شغل وتحميل البنت مسئوليه الاب والاخوه فى حاله غياب الام او خروجها او ما الى ذلك

كانت الابنه تعتبر هى العمود التانى للبيت بعد الام ويليها باقى الاخوه البنات

كانت التربيه تربيه صارمه قايمه الى تجهيز البنت لتحمل المسئوليه فى المستقبل

دلوقتى البنات مدلعين على الاخر

مفيش تحمل للمسئوليه

نوم لفترة الظهر وسهر لغايه الفجر

مفيش نظام مفيش احساس بالمسئوليه

طيب هتكون ام ازاى دى

لا بتعف تقف ادام البوتاجاز ولا بتعرف حتى تعمل اى حاجة فىالبيت اكيد هتتعب كتير اوى لما تتجوز وتكون مسئوله عن بيت واولاد

معظم البنات دلوقتىوعن تجارب ونماذج ناس بشوفها

بعد ما بيجيبوا بيبى طبعا تكون طلعت روح الزوج وام البنت فى دلع وعدم تحمل طول الفتره

ولما ييجى البيبى تلاقى الجده هى اللى بتقم بتربيه المولود وتتحمل مسئوليته كامله

بصى بصراحه انا كنت مدلعه بس اخوتى اكبر من بمراحل وسنين طويله

هما اللى كانوا متوليين تدريبى على تربيه الاطفال والوقوف فى المطبخ وكده كسبيل لمساعدتهم

عشان كده طلعت شاطرة وقادرة على تحمل المسئوليه والحمد لله دون الاحتياج لمساعده

اما بقا عن موضوع ان لو حد تعبان انا اعيط او لما المديرة تتشاكل معايا يغمى عليا

فدى بصراحه فيا

انا سريعه التاثر جدا وفعلاغير قادرة على تحمل المشاكل مش بحب المشاكل اصلا بتعب منها اوى

اعتقد ان ده مرتبط بالاحساس المرهف بصراحه بكره نفسىاوى من شده حساسيتى

وشكرا يا قمر على الموضوع رائع