| تحلية المياه المالحة | |
|
+3Lames Abd El Nour Mahmoud Lutfy لؤلؤة 7 مشترك |
كاتب الموضوع | رسالة |
---|
لؤلؤة جوهرة المنتدى
عدد الرسائل : 9985 العمر : 35 العمل/الدراسة : طالبه في كلية الهندسة الاقامة : أم الدنيـــــــ مصرــــــــا الأوسمه : السٌّمعَة : 44 نقاط : 34948 تاريخ التسجيل : 02/04/2008
| موضوع: تحلية المياه المالحة الإثنين يونيو 16, 2008 1:30 am | |
| تحلية المياه المالحة تعريف تحلية المياه : هي تحويل المياه المالحة إلى مياه نقية من الأملاح صالحة للاستخدام .ويتم ذلك عبر طرق عديدة للتحلية . عوامل اختيار الطريقة المناسبة للتحلية:أولا : نوعية مياه البحر ( تركيز الأملاح الذائبة الكلية) :تصل كمية الأملاح الكلية المذابة في المياه الخليج العربي إلى حوالي 56000 جزء من المليون في الخبر كما أنها تتراوح ما بين 38000 إلى 43000 جزء من المليون في مياه البحر الأحمر بمدينه جده .ثانياً : درجة حرارة مياه البحر والعوامل الطبية المؤثرة فيه : ويجب مراعاة ذلك عند تصميم المحطات حيث أن المحطة تعطي الإنتاج المطلوب عند درجة الحرارة المختارة للتصميم بحيث لو زادت أو انخفضت درجة الحرارة عن هذا المعدل فإن ذلك يؤثر على كمية المنتج بالزيادة أو النقصان أما العوامل الطبيعية المؤثرة فتشمل المد والجزر وعمق البحر وعند مأخذ المياه وتلوث البيئة .ثالثاً : تكلفة وحدة المنتج من ماء وكهرباء :وذلك بمتابعة أحدث التطورات العالمية في مجال التحلية وتوليد الطاقة للوصول إلى أفضل الطرق من الناحية الاقتصادية من حيث التكلفة الرأسمالية وتكاليف التشغيل والصيانة .وصف مبسط لمحطة تحلية: يبدأ دخول مياه البحر إلى مآخذ مياه البحر من خلال مصافي وذلك لمنع الشوائب من الدخول إلى مضخات مياه البحر التي تقوم بدورها بضخ مياه البحر إلى المبخرات . هذا ويتم حقن مياه البحر بمحلول هيبوكلوريد الصوديوم عند مآخذ مياه البحر أي قبل دخولها المبخرات وذلك لمعالجتها من المواد البيولوجية العالقة بها . ويتم تجهيز هذا المحلول في خزانات ومن ثم يتم حقنه خلال مضخات بمعدلات حسب الطلب .يوجد بمآخذ مياه البحر لوحات توزيع القوى الكهربائية التي تغذي المضخات وغيرها بالكهرباء ، كما يوجد أيضا أجهزة القياس والتحكم اللازمة لهذه المعدات . هذا ويتم انتقال مياه البحر بعد ذلك إلى المبخرات والتي تتكون من عدة مراجل يتم خلالها تبخير مياه البحر ومن ثم تكثيفها وتجميعها . وبالنظر إلى ما يحدث للعمليات المتتابعة المياه لحظة دخولها المبخرات وحتى الحصول على المياه العذبة نجد أنه يتم إضافة بعض الكيماويات منها ( البولي فوسفات ) إلى مياه البحر قبل دخولها المبخرات وذلك لمنع الترسبات (القشور SCALES ) داخل أنابيب المكثفات والمبادلات الحرارية كما نجد أن مياه البحر هذه تمرر على أجهزة تسمى بنوازع الهواء وذلك للتخلص من الغازات المذابة بمياه البحر كما يتم تسخين مياه البحر بواسطة مبادلات حرارية تعمل بالبخار وتسمى ( مسخنات المياه المالحة ) . هذا ويلزم للمبخرات أنواع متعددة من المضخات منها ما يلزم لتدوير الماء الملحي داخل المبخرات ومنها ما يلزم لتصريف الرجيع الملحي إلى قناة الصرف ومنها ما يلزم لضخ الماء المنتج إلى محطة المعالجة الكيماوية .هذا وبعد ضخ الماء المنتج إلى محطة الكيماوية والتي يتم فيها معالجة المياه المنتجة بالمواد المختلفة مثل الكلور وثاني أكسيد الكربون والجير حتى يصبح حسب المواصفات المطلوبة عالمياً يتم نقله من محطة المعالجة الكيماوية إلى الخزانات الكبيرة التي تمد الشبكة بالماء الصالح للشرب. إنتاج الطاقة الكهربائية في محطات التحلية: عادة ما يتم استغلال جزء من البخار المنتج من محطات التحلية في عملية انتاج الطاقة الكهربائية لتغذية احتياجات محطة التحلية والمجمع السكني ومحطات الضخ ، وعليه يتم تصدير باقي الطاقة المنتجة من هذه المحطة إلى الشبكة الكهربائية . وبالنظر إلى محطة توليد الكهرباء نجد أنها تتكون أساساً من مجموعة من الغلايات تقوم بتحميص البخار المنتج من محطة التحلية والتوربينات البخارية الموصلة بالمولدات التي تنتج الطاقة الكهربائية . هذا وتشتمل المحطة على بعض المعدات المساعدة ومضخات وزانات وقود وأنظمة مكافحة الحريق وبطاريات كهربائية لإمداد الأجهزة الضرورية بالطاقة عند حدوث إي خلل بالشكة ، هذا بالإضافة إلى الحاسب الآلي الذي بواسطته يمكن السيطرة على جميع أجهزة القياس والتحكم والمراقبة لكافة معدات المشروع . | |
|
| |
Mahmoud Lutfy
عدد الرسائل : 25 العمر : 36 السٌّمعَة : 0 نقاط : 5790 تاريخ التسجيل : 19/06/2008
| موضوع: رد: تحلية المياه المالحة الخميس يونيو 19, 2008 1:48 pm | |
| مقدمة جميلة عن تحلية المياه ...وانا عن نفسي بافكر اعمل مشروع تخرجي في المحطات الثنائية على فكرة ... انا كنت واخد مقرر اختياري في تحلية المياه وممكن افديكم في موضوع التقطير والتحلية | |
|
| |
لؤلؤة جوهرة المنتدى
عدد الرسائل : 9985 العمر : 35 العمل/الدراسة : طالبه في كلية الهندسة الاقامة : أم الدنيـــــــ مصرــــــــا الأوسمه : السٌّمعَة : 44 نقاط : 34948 تاريخ التسجيل : 02/04/2008
| موضوع: رد: تحلية المياه المالحة الخميس يونيو 19, 2008 8:34 pm | |
| أكيد يا بشمهندس محمود .. نحب نستفيد من خبراتك .. واكيد نحب نعرف اكتر عن التقطير وتحلية المياه .. منور يا بشمهندس | |
|
| |
Mahmoud Lutfy
عدد الرسائل : 25 العمر : 36 السٌّمعَة : 0 نقاط : 5790 تاريخ التسجيل : 19/06/2008
| موضوع: رد: تحلية المياه المالحة الجمعة يونيو 20, 2008 12:53 am | |
| الله يخليكي يابشمهندسة ... المنتدى منور بيكي انا ممكن دلوقتي اقول مقدمة بسيطة عن التقطير والتحلية ويارب اقدر اضيف معلومة بخصوص المجال ده والي للاسف مش من السهل الواحد بيلاقي حاجة على النت وغير كده مفيش مراجع متوفرة بشكل كبير، يمكن التقطير اوفر حظاً، لكن طرق التحلية الجديدة عموما وخصوصا التحلية باستخدام الضغط الاسموزي العكسي مفيش عنها معلومات كتيرة. نبدأ؟ ليه احنا عايزين نعمل تحلية للمياه او مكن نقول اعذاب؟ نفترض اننا في سيناء وعايزين نمدها بالمياه العذبة؛ ايه الحلول المتوفرة! الاول اننا نمد خط انابيب للمياه من اقرب نقطة قريبة للنهر النيل ونقيم هناك محطة معالجة ونمد خط الانابيب الي علشان المياه الي جواه تحافظ على الــHead بتاعها وتوصل اما هنركب مضخة كبيرة جدا عند محطة المعالجة واما هنضطر نقيم محطات رفع على مسافات طول الطريق! والحل التاني انه يكون في مصدر مائي في سيناء وبعدين نتصرف؟! طبعا واضح ان مجرد التفكير في الحل الاول؛ التفكير ده لوحده بفلوس قد ايه وغير كده تكاليف التشغيل والصيانة ولو حصل عطل لاقدر الله! عملية التحلية ببساطة هنعتبر محطة التحلية دي Block (هنعمل حاجة زى الادخال والمعالجة والاخراج في الحاسب الآلي) ايه الي داخل؟ ماء مالح وهندخل طاقة ... صح؟هنشرح بالتدريج موضوع الطاقة ده! والمعالجة هو اني باعمل اعذاب للمياه والاخراج بيطلع عندي مياه عذبة وطاقة وكمان ايه؟ محلول عالي الملوحة Brine او بيسمى الماء الاجاج (بتعطيش الجيم) طيب ... انا من ساعة لما بدأت وانا باقول تحلية وتقطير ... يعني ايه تحلية ويعني ايه تقطير؟ ببساطة تقطير يعني ازالة الملح تماماً من المياه وده بيتم بالطرق الحرارية والي باعتمد فيها على تبخير المياه والي جزيئاتها اخف من جزيئات الملح، وبيتم تكثيفها بعد كده للحول على مياه مقطرة بدون اي نسبة ملح ... احب اوضح حاجة، الطرق دي اولا انتاجيتها قليلة وثانيا الدورة بتاعتها حساسة(هنقول ليه بعدين) واضافة كمان المياه المقطرة غير صالحة للشرب؟!! ياراجل؟؟؟؟؟؟؟؟؟ اه دي حقيقة ... لان ماينفعش ان جسم الانسان مايدخلوش الاملاح الزائبة في المياه وغير كده لو بصينا على المياه هنلاقيها مادة متعادلة ... مين الي قال؟ لان الــ PH=7. تمام، بس هتلاقي ان تركيب المياه H2O يعني بالمقارنة مع الاحماض هنلاقي ان المياه حمض! حمض لكنه متعادل في حالته الطبيعية والملح هو الي بيحافظ على التعادل ده. افتكر دي معلومة جديدة؟ صح ولا؟ :scratch: بالنسبة لكلمة تحلية معنها اني باتخلص من جزء كبير من ملوحة المياه بطرق مختلفة ولكن مش شرط اني اتخلص منها كاملة. طرق زي التحلية باستخدام الضغط الاسموزي العكسي بيفضل في المياه نسبة ملح كبيرة! يعني نقدر نقول ان لو انا باعمل تقطير ممكن اقول انا باعمل تحلية؛ لكن لو باعمل تحلية ماقدرش اقول انا باعمل تقطير! دي كانت مقدمة بسيطة واتمني اني اكون اضفت حاجة، وشكرا جزيلاً | |
|
| |
Lames Abd El Nour عبقرية العالم
عدد الرسائل : 3778 العمر : 34 العمل/الدراسة : Teaching Assistant Engineering college الاقامة : Canada - Nova Scotia الأوسمه : السٌّمعَة : 38 نقاط : 16111 تاريخ التسجيل : 02/04/2008
| موضوع: رد: تحلية المياه المالحة الجمعة يونيو 20, 2008 3:30 am | |
| ميرسي يا لؤلؤتي الغالية علي معلوماتك يا عسلا وميرسي يا محمود علي اضافتك الجديدة فعلا واضح انها جديدة ويااااااااارب نشوف مشاركاتك ونستفيد منك دايما معانا باذن الله ميررررررررررسي قوووووووي | |
|
| |
Mahmoud Lutfy
عدد الرسائل : 25 العمر : 36 السٌّمعَة : 0 نقاط : 5790 تاريخ التسجيل : 19/06/2008
| موضوع: رد: تحلية المياه المالحة السبت يونيو 21, 2008 5:26 am | |
| نكمل كلامنا عن التحلية: الأول هنقول معني كلمتين وضحناهم في اخر كلامنا الي فات وهما التحلية Desalination، وكلمة التقطير Distillation؟ كلمة Desalting او كلمة Desalination تعني ازالة الملح عموما ... ولكن بيتم استخدامها على العخموم في طرق التحلية سواء تقطير او تحلية وازالة الملح جزيئأ من اليماه المالحة! زي ماقلنا ان الكيان الكبير هو التحلية والفرع هو التقطير، والتقطير هو ازالة الملح تــــــمـــــــــــــــــامــــــــــــــــــــــــا ايه هى طرق التحلية؟ طبعا التقسيم ده بيتم لعدة اعتبارات ولكن انا هاقسم بالنسبة لطرق التقطير والي هى الطرق الحرارية والطرق الميكانيكية، مع اني غير مقتنع بالتقسيم ده لان اساسا الحرارة ميكانيكا وفي الطرق الحرارية بتستخدم وسائل ميكانيكية وطبعا ده راجع ان الميكانيكا مهمة جدا جدا جدا ولازم نعمل يوم في السنة ونسميه عيد المهندس الميكانيكي :lol!: بس التقسيم ده بيتم على اساس ان العملية الاساسية لفصل الملح بتتم عن طريق التبخير مهما كانت طريقته في الطرق الحرارية وفي الطرق الميكانيكية بتتم عن طريق فرق الضغط الطرق الحرارية: طريقة ضغط البخار Vapor Compression System وفي مصر موجود محطتين واحدة في طابا وواحدة في مرسى مطروح والاتنين اساسا مش شغالين من زمان ولكن كانوا بيشتغلوا فترة معينة للتأكد من استمرار عمل الاجزاء الميكانيكية وذلك لحساسية الطريقة دي. في طابا واثناء وجودي هناك تم فصل خط المياه من مأخد خليج العقبة عن المحطة الحرارية لاسباب كده ممكن نبقى نقولها. التقطير احادي التأثير التقطير متعدد التأثير (هو نفس الاحادي بس كتيييير - كذا مرحلة يعني) طريقة التبخير الوميضي الطرق الميكانيكية طبعا الطريقة الاولى حاليا والي ليها انتاجية عالية جدا ولكن لمياه للاستعمال الشخصي فقط ... واي حد ... اي حد ... يقولكم غير كده ويجيب اجهزة ويقيس ويقولك بتتشرب اوعى تصدقه :cry: ... اسأل مجرب! الطريقة هى التناضح العكسي او الضغط الاسموزي العكسي. في عندنا طريق تانية ... زي التبادل الايوني والموجود في محطات الكهرباء البخارية لتقطير مياه الغلايات والتربينات البخارية طبعا علشان ماينفعش يبقي في املاح علشان انبيب الغلاية ماتبوظش والحاجات دي طبعا عارفين بكااااااااااااااااااااااااااااااااااااااااااااااااااااام!
طبعا ماننساش الاصل قبل كل الكلام ده وهو ........... المقطر الشمسي! ربنا يقدرني ان شاء الله في القريب العاجل اشرح بتفصيل اكتر بس لازم يكون مدعم بالصور والمعادلات وانا مش ضامن لسه ظروفي الفترة الي جاية. بس ربنا يسهل وازبطكم في التحلية :D | |
|
| |
mostafazein
عدد الرسائل : 29 العمر : 37 العمل/الدراسة : pre-engineer السٌّمعَة : 0 نقاط : 5789 تاريخ التسجيل : 20/06/2008
| موضوع: رد: تحلية المياه المالحة الأحد يونيو 22, 2008 1:04 am | |
| بسم الله الرحمن الرحيم والله موضوع زي الفل تسلم ايديكي وشغل تماااااااام قوي ي حودا وانا كمان مع اني كنت واخد مقرر تحلية وده لوحده له حكايات وروايات بس مقدرش اتكلم وراك ي محمود شغل زي الفل والله والف شكر يا لؤلؤة ع الموضوع وشكرا لكل اللي رد في الموضوع اللهم تقبل منا اللهم آمين | |
|
| |
the_best_eng
عدد الرسائل : 6 العمر : 36 السٌّمعَة : 0 نقاط : 5790 تاريخ التسجيل : 19/06/2008
| موضوع: رد: تحلية المياه المالحة الأحد يوليو 06, 2008 11:00 pm | |
| على الرغم معرفتي بمحطات التحلية رغم عدم دراستي لمقرر التحلية الا انت عارفني ما بسبش موضوع يا حودة الا واحط منخيري فيه شكرا على الموضوع وشرا على كل التعليقات | |
|
| |
Salma Nader سندريلا المنتدى
عدد الرسائل : 3732 العمر : 34 العمل/الدراسة : IT الاقامة : Germany الأوسمه : السٌّمعَة : 87 نقاط : 76903 تاريخ التسجيل : 31/05/2008
| موضوع: رد: تحلية المياه المالحة الأربعاء أغسطس 06, 2008 8:16 pm | |
| | |
|
| |
AnGy MOoOoNy
عدد الرسائل : 2311 العمر : 34 العمل/الدراسة : Engineering College الاقامة : Place of Moon السٌّمعَة : 247 نقاط : 9068 تاريخ التسجيل : 26/02/2009
| موضوع: رد: تحلية المياه المالحة الإثنين نوفمبر 16, 2009 11:58 pm | |
| | |
|
| |
| تحلية المياه المالحة | |
|