منتدى الجامعة العربية
عزيزي الزائر اهلا بك في اسرة منتديات الجامعة العربية هذه الرساله تفيد بأنك غير مسجل يتوجب عليك التسجيل لتتمكن من رؤية روابط التحميل والمساهمة في المنتدى - كما يجب وضع رد لرؤية الروابط


للتميز عنوان - شاركنا الحلم
 
الرئيسيةالتسجيلدخول
سبحان الله والحمد لله لا اله الا الله و الله اكبر
بحـث
 
 

نتائج البحث
 
Rechercher بحث متقدم
المواضيع الأخيرة
تسجيل صفحاتك المفضلة في مواقع خارجية
قم بحفض و مشاطرة الرابط الجغرافيا كما يجب ان تكون على موقع حفض الصفحات
الإبحار
 البوابة
 الفهرس
 البيانات الشخصية
 س .و .ج
 ابحـث
التبادل الاعلاني

شاطر | 
 

 قصائد الشاعر المصري الكبير احمد فؤاد نجم

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:32 pm

الشاعر الأكره

أنا الأديب لما أتكلم ما باخليشى
لأني جاهل
وفاجومي
ومخ مفيشي
وأي تغيير في حياتي
ميتعبنيشي
وأنا اللي قولي على نويى
مش من بره
وأبدأ كلامي عن الأشعار
واللي زانوها
بيرم وخيرى
وكل الناس اللي صانوها
أما الكلاب عند الجواسيس
واللي خانوها
فدول كلاب
وما مبنذكروش هنا بالمره
الله الله يابدوي
هنا بالمره
***
ياعم بيرم وحياتك
واللي أماتك
وخلا الناس مآبين
عايشيين على مقالاتك
وواد مباحث يتطاول
على مقاماتك
لاجعل الشعرا الأندال
مسخه وعبره
الله الله يابدوى
هنا بالمرة
***
فى كل مولد ياشويعر
لفلفت حزام
ورقصت تبع المزيكة
وكنست مقام
وصاحبت كل الألاتية
ومشيت خدام
لكل عالمة وشبشبها
حسب الأجرة
***
حرباية يابن الحرامية
مية المية
على كل لون جاهز تركب
ع التسقية
أما انت مالح ومزبط
وابن غبية
وحصانك اللي راهنت عليه
يخسر بكره
الله الله يابدوى
يخسر بكره
***
الطبل غير الشعر يا واد
ماتهبلشي
وأى شخص يكون شاعر
مايطبلشي
ياتقول كلامك جواك
يا متقبلشي
ملعون ابوك طالع نازل
شاعر أكره
1975م

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:33 pm

سايجون

أبجد هوز
حطي كلمن
إفتح صفحه
إمسك قلمن
إكتب زي
الناس ما بتنطق
سقطت سايجون
رفعوا العلمن طلعت شمس اليوم دا
أغاني
كل ما نسمع
نعشق تاني
طلعت شمس اليوم دا
حريقه
تشفي الجرح
وتبري الألمن
سايجون عادت للثوار
فوق الدم
وتحت النار
جدوا فوجدوا
زرعوا
فحصدوا
وإحنا إدينا للسمسار
وإللي قالوه السمسارجيه
وإللي حكاه السمساردار
لما قروه القروانجيه
بالمستعدل والمندار
هتش ونتش
بعزم الصوت
عن أمريكا وهوا أمريكا
زعموا الفانتوم
شايل موت
سقط الموت بعلم أمريكا
جاتكو فضيحه
يا طبقه سطحيه
وعامله فصيحه
وجايبه العار
قراونجيه
وكتبنجيه
وسمسارجيه
وسمساردار
سايجون دره يا ثوار
عادت حره
للأحرار
داحنا حنشبع بكره أغاني
إسمع وحفظ يا كتباني
واثبت عندك فى الأوراق
مصر بتنضح بالأشواق
مصر عروسه
وبكره عريس
والعشاق إحنا العشاق
فينا وبينا ولينا الثوره
إحنا الثوره
وهي الناس
فينا الماضي
وبينا الحاضر
والمستقبل
هو الناس

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:34 pm

حرب الشعب

ماتقولليش
ماتعدليش
حرب الشعب وغيرها مافيش
حاس يامصاروه
حاس ياولاد
حاس يامداين
حاس يابلاد
حسنا ياناسنا وداسنا الغول
عض بلدنا
عرض وطول
ماتقولليش الجيش مسؤل
جيش من غير شعب

مايمشيش
1968م

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:35 pm

كلب الست

فى الزمالك
من سنين
وف حما النيل القديم
قصر
من عصر اليمين
ملك واحدة من الحريم
صيتها اكتر م الادان
يسمعوه المسلمين
والتتر والتركمان
والهنود والمنبوذين
ست فاقت ع الرجال
فى المقام والاحترام
صيت وشهره وتل مال
يعنى فى غايه التمام
قصره يعني هى كلمة
ليها كلمه فى الحكومه
بس ربك لجل حكمه
قام حرمها م الامومه
والامومه
طبع ثابت
جوه حوا من الزمان
تعمل ايه الست
جابت
فوكس رومي وله ودان
فوكس دا عبقال املتك
عندة دستة خدامين
يعنى مش موجود فى عيلتك
شخص زية يا اسماعين
واسماعين دا يبقى واحد
م الجماعة التعبانين
اللي داخوا فى المعاهد
والمدارس من سنين
حب يعمل واد فكاكة
يمشي حبة فى الزمالك
والقيامة والفتاكة
يرموا طبعا ع المهالك
عم سمعة من قيامتة
حب يعمل فيها فلة
بعد ما الوظ بيجامتة
اشترى حتة مجله
قول مشي يقرا فى حكاية
من حكايات الغرام
واندماجة فى القرايه
خلا مشيه مش تمام
ع اليمين يحدف بعيد
خطوتين ويروح شمال
لمحه فوكس من الحديد
قال دا صيد
سهل حلال
هب نط فى كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلى مالها ؟
بص شاف الدم سايح
من عاليها ومن واطيها
وياللى جاي
وياللي رايح
المجله مش لا قيها
حبه واتلموا الظنايا
اللى هما البوابين
والحكايه والروايه
قال لهم
دا كلب مين
كلب مين
ما كلب مينشى
سمعه لبخ حبتين
قال واحد منهم
امشى
اللى جابك عنده مين؟
قال دا شارع يا مواشي
والجميع بيمر منه
اللى راكب
اللى ماشى
مستحيل نستغنى عنه
كلمه من دا
وكلمه من دا
ظاطو واترسمت فضيحه
قول نهايته
القصد من دا
اسماعين اكل الطريحه
راحو قسم الشرطه طبعا
والنيابه كفيله بيهم
واترموا فى الحجز جمعا
لما ييجي الدور عليهم
حبة والشاويش امين
قال : سعيد النقشيندي
قام غريم عم اسماعين
قال لة:
محسوبك يا افندي
قام سي سمعه
يروح معاه
الشاويش قال :
غور بدمك
راح تعوصنى
وفوق قفاه
كف طرقع
داهيه ف امك
تفتكر يفضل سي سمعه
قد ايه فى القسم نايم ؟
استضافه الحجز جمعه
يا بلاش
ادي العزايم
شاف بلاوي
ما تتحكيش
م الديابه المسجونين
قال يا عالم
يا شاويش
يا نيابه
يامسئولين
خلصوه بعد المناهده
جثه من جحر الديابه
هى يمكن ساعه واحده
كان فى مكتب النيابه
قال له مالك يااسماعين
قال لة زي البمب ... مالي ؟
قال له عضك فوكس فين
قال له سيبنى اروح لحالي
انت شوف سي فوكس يمكن
خد تسمم
غصب عني
الوكيل قال برضة ممكن
والشاويش
قعد يغنى
انت فين والكلب فين
انت قدة يا اسماعين
طب دا كلب الست يا ابني
وانت تطلع ابن مين
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه .. بالبتاعه

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:36 pm

أول كلام

كلامنا عن ايران
ما لوش طبعا مكان
فى اعلام الخيانه
وصوت الامريكان
لان الامن شايف
بان الأخ خايف
ليلزق على الشفايف
ويلبس فى الودان
كلام عن الخيانه
ومن عالم جعانه
فتظهر الادانه
على الشاه اللى خان
ادانه يعنى ثوره
ما تقبلش المناوره
وفضح وكشف عوره
واخر بهدلان فليه الامن يرضى
يبحبح للمعارضه
دى عالم يابا مرضى
واغلبهم جعان
وهكذا الطريقه
طناش
على الحقيقه
فتبقى الناس
غريقه
وتسمع شقلبان
لهذا
او لذلك
حنمشى فى المسالك
ونطلع م الزمالك
نخش الترجمان
وكلمتنا نقولوها
حليب من بز أبوها
فناسنا يسمعوها
فيحصل بغبغان
فهات ودنك يا خلي
اقولك وانت قوللي
وسيبك م اللي واللي
ونحكى
عن ايران

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:37 pm

اصحى يا مصر

اصحى يا مصر
اصحى يا مصر
هزى هلالك
هاتى النصر
كونى يا مصر وعيشي يا مصر
مدي اديكى
وطولى العصر
اصحي وكوني وعيشي يا مصر اصحى يا عامل مصر يا مجدع
وافهم دورك
ف الوردية
مهما بتتعب
مهما بتصنع
تعبك رايح
للحراميه
جهدك عملك
رزق عبالك
عرقك مرقك
ولا يهنا لك
اصحى يا عا مل
غير حالك
صون المصنع
واصنع مصر
اصحى وكونى وعيشي يا مصر
اصحى يا زارع مصر الخضره
قدره وخضره
ونور وجمال
ابدر غيطك
واحمى البدره
ضد الافه
والاستغلال
ارضك عرضك
باب الدار
صبحوا مداسه
للسمسار
نعطش
ولانشربش عكار
وصفه قالوها الحكما يامصر
اصحى وكونى وعيشي يا مصر
واصحى يا جندى
يا تار الشهدا
عمى وخالك
اختى واخوك
لجل ما تهدا وتارك يهدا
فرغ نارك ف اللى خانوك
يابن الشعب يا حامي الشعب
انت املنا فى يوم الصعب
اصحى يا جندى ودق الكعب
حرر مصر وطهر مصر
اصحى وكوني وعيشي يا مص

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:38 pm

زياره لضريح عبدالناصر

السكه مفروشه تيجان الفل والنرجس
والقبه صهوه فرس عليها الخضر بيبرجس
والمشربيه عرايس بتبكي
والبكا مشروع
مين دا اللي نايم وساكت
والسكات مسموع
سيدنا الحسين
والا صلاح الدين
والا الامام
دستور ياحراس المقام
ولا الكلام بالشكل ده ممنوع
على العموم انا مش ضليع في علوم الانضباط
ابويه كان مسلم صحيح
وكان غبي
وكان يصلي ع النبي
عند الغضب والانبساط
ابويا كان فلاح تعيس
في ليله ضلمه خلفوه
وف خرقه سوده لفلفوه
وف عيشه غبرا طلعوه
ولصموه
وطلسموه
ودجنوه
وجهزوه
وجوزه على عماه
فكان محير في هواه
مابين امي ومابين الجاموسه
وكان يخاف يقتل ناموسه
وكان خجول...خجول...خجول
لكنه كان دايما يقول
استغفر الله العظيم من باب الاحتياط
ابويه طلعتوه حمار
فكان طبيعي يجيبني جحش
لا اعرف نبي من اجنبي
ولا مين ماجاش ولا فين ماراحش
موسى نبي
عيسى نبي
وياقلبي صلي ع النبي
وكل وقت وله ادان
وكل عصر وله نبي
واحنا نبينا كده
من ضلعنا نابت
لامن سماهم وقع
ولا من مره شابت
ولا انخسف له القمر
ولاالنجوم غابت
ابوه صعيدي وفهم
قام طلعه ظابط
ظبط على قدنا
وع المزاج ظابط
فاجومي من جنسنا
مالوش مره سابت
فلاح قليل الحيا
اذا الكلاب عابت
ولا يطاطيش للعدا
مهما السهام صابت
عمل حاجات معجزه
وحاجات كثير خابت
وعاش ومات وسطنا
على طبعنا ثابت
وان كان جرح قلبنا
كل الجراح طابت
ولا يطولوه العدا مهمها الامور جابت

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:40 pm

الكلمات المتقاطعة
بدل الكوره
ولعب الفوره
وسط الغاغه
والبرجاس
تاكل زغده
تاكلك دبشه
تملا دماغك
بالقلقاس
ياللا نفكر
حتة لعبه
زي السكر
بالأناناس
كلمه ومعنى
رأسي وأفقي
يحكوا حكاية
تهم الناس
قرب قرب
ياللا نجرب
شغل مخك
ولا تحتاس
_ واحد رأسي؟
رأسي بتضرب
تقلب
تشغي بالأفكار
مسرح
والأفكار هوامه
في الدوامه
ليل .. ونهار
أبيض إسود
أخضر ..أحمر
بارد .. حامي
جنه ..ونار
سيبك سيبك
من تغريبك
بكره الليل
يطلع له نهار
_ اتنين رأسي ؟
حاكم حالي
كان طرطور
خان الدار
والجار
والنور
_كل ما فينا من حكام
نازلين
من خنفس .. وكافور
كذبوا _ أفكوا
قتلوا _ سفكوا
غدروا _ خانوا
فضحوا _ هتكوا
_ واحد أفقي ؟
شاعر داعر
ميت .. حي
طالع .. نازل
رايح .. جي
مادح سيده
مادد إيده
لايشوف حاجه
ولا يقول شي
_ كل ما فينا من شعارير
خونه
وهتيفة .. وخنازير
تجروا _ باعوا
لمعوا _ ذاعوا
أفلوا _ غربوا
تاهوا _ ضاعوا
_ اتنين أفقي ؟
شعرا تلاته بكلمه باروده
ناظم
بيرم
بابلو نيرودا (1)
_ كل ما فينا من عشاق
داقوا ما بينا
من أشواق
حبوا _ عشقوا
شبوا _ نشأوا
مروا _ فاتوا
غرسوا _ رشقوا
_ رأسي وأفقي ؟
شاعر واعر
لازم جي
يملا عيون العالم ضي
كل ما فينا من أحزان
تستنظر عاشق فنان
يأتي _ يقبل
طائر _ بلبل
حرفي _ فني
يشدو _ يغني
وطني سكني
أهلي .. قومي
منكم فيكم
صحوي نومي
أنتم فكري
أنتم عملي
منكم توقي
فيكم أملي
هيوا _ لبوا
ثوروا _ هبوا
يشرق _ يسطع
صبح _ مطلع
يزرع _ يبني
نحصد _ نجني
نمرح _ نلعب
نشدوا _ نغني
واحد رأسي
نشدوا نغني
اتنين أفقي
نشدوا نغني
تالت خامس
عاشر ميه
نشدوا نغني
نشدوا نغني
نملا العالم
خضرة عفيه
نشدوا نغني
نشدوا نغني

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:40 pm

الندالة
يا كارتر يا ندل
حبيبك وصاحبك
وصاحب مراتك
وتبقي انت صاحبه
وصاحب مراته
وكان والده ايضا
مصاحب حماتك
وكان برضه والدك
مصاحب حماته
وطول عمره نافد
على استخباراتك
وشغال جاسوسك
على استخباراته
وقاعد يزود
رصيد ملياراتك
وسارق
وشايل معاك ملياراته
وراجل مامنك
وخاين ضميره
وخايف
وحاطط ف ايدك مصيره
ودابح ف بحبك
ألوف الضحايا
ودايس ف طين الدنس
والخطايا
يقوم لما يطبق عليه المحيط
تطنش يا كارتر
وتعمل عبيط
وتخلع
وتنسي الحمار والغبيط
وتاكل عيالك
بدون وجه عدل
صحيح
انت ندل

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:41 pm

تذكرة مسجون
الاسم : صابر
التهمه : مصري
السن : اجهل اهل عصري
لرغم انسدال الشيب ضفاير
من شوشتى
لما لتحت خضري
المهنه : وارث
عن جدودي
والزمان
صنع الحضاره
والنضاره
والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كا لحصان
الفم : ثابت فى المكان
واما جيت ازحزحه
عن مطرحه
كان اللى كان
جهه الميلاد: فى أي اوضه مضلمه
تحت السما
على ارض مصر
من أي دار وسط
النخيل
مطرح ما يجري النيل
ما دام ما يكونش قصر
الحكم: من سبع تلاف سنه
وانا راقد سجين
اطحن على ضراسي الحجر
من الضجر
وابات حزين
الاسباب : سالنى سائل
حبستك طالت
وليه
ولانى طيب
وابن نكته
ما فيش مخالفه ركبتها
ضد القانون
لانى خايف
والقانون سيفه ف اديه
تسأل عليّ المخبرين
فى أي حين
تسمع وتفهم قصتي
الف وبيه
الاسم صابر ع البلا
ايوب حمار
شيل الحمول من قسمتى
والانتظار
اغرق فى انهار العرق
طول النهار
والم همى فى المسا
وارقد عليه
عرفت ليه ؟

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: تذكرة مسجون   السبت مايو 03, 2008 6:43 pm

تذكرة مسجون
الاسم : صابر
التهمه : مصري
السن : اجهل اهل عصري
لرغم انسدال الشيب ضفاير
من شوشتى
لما لتحت خضري
المهنه : وارث
عن جدودي
والزمان
صنع الحضاره
والنضاره
والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كا لحصان
الفم : ثابت فى المكان
واما جيت ازحزحه
عن مطرحه
كان اللى كان
جهه الميلاد: فى أي اوضه مضلمه
تحت السما
على ارض مصر
من أي دار وسط
النخيل
مطرح ما يجري النيل
ما دام ما يكونش قصر
الحكم: من سبع تلاف سنه
وانا راقد سجين
اطحن على ضراسي الحجر
من الضجر
وابات حزين
الاسباب : سالنى سائل
حبستك طالت
وليه
ولانى طيب
وابن نكته
ما فيش مخالفه ركبتها
ضد القانون
لانى خايف
والقانون سيفه ف اديه
تسأل عليّ المخبرين
فى أي حين
تسمع وتفهم قصتي
الف وبيه
الاسم صابر ع البلا
شيل الحمول من قسمتى
والانتظار
اغرق فى انهار العرق
طول النهار
والم همى فى المسا
وارقد عليه
عرفت ليه ؟
الشاعر احمد فؤاد نجم


ودة علي فكرة مينفيش
ان احنا بنحب مصر وبنفتخر بيها

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:44 pm

التحالف ( يعيش أهل بلدي )
يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش
يعيش أهل بلدي
يعيش المثقف على مقهى ريش
يعيش يعيش يعيش
محفلط مزفلط كتير كلام
عديم الممارسه
عدو الزحام
بكام كلمة فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش أهل بلدي
يعيش التنابله
فى حي الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك إذا عزت توصف حياتهم
تقول الحياة عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوي
دماغهم تخينه
سنانهم مبادر تفوت فى الجليد
ما فيش سخن بارد
بياكلوا الحديد
ما دام نهر وارد
وجاي م الصعيد
تزيد الموارد
كروشهم تزيد
وتسمع وتسلم
بأن التنابله
أو الأكالين
حيسمح كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع
أطيع الخليفه
أطيع والديك
أطيع التنابله
دا مفروض عليك
وتزرع وتبعت لحي الزمالك
وحي الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
إذا حد جاب لك سيرتهم
تبسمل تكبر
وتهتف كذلك
يعيش التنابله
يعيش يعيش يعيش
يعيش أهل بلدي
يعيش الغلابه
فى طي النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح يا صانع
يا شحم السواقي
يا فحم المصانع
يا منتج
يا مبهج
يا آخر حلاوه
يا هادي
يا راضي
يا عاقل
يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيله الرضا
لأن إحنا طبعا
عبيد القضا
ورزقك ورزقي ورزق الكلاب
دا موضوع مؤجل ليوم الحساب
كمان الصحافه
حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:45 pm

الثوري النوري
حلا ويللا يا حلا ويللا
يا خسارة ياحول اللا
الثورى النورى الكلمنجى
هلاب الدين الشفطنجى
قاعد فى الصف اللأكلنجى
شكالاطه وكراميلا
***
يتمركس بعض الأيام
يتمسلم بعض الأيام
ويصاحب كل الحكام
وبستاشر ملة
***
ياحلولو لو شفته زمان
مهموم بقضايا الانسان
بيتكتك لا تقول بركان
ولابوتاجاز ولا حلة
***
ايش حالك ياجريبى اليوم
وايش جاب التفاح للدوم
وايش جاب الأوضة ف بدروم
للعربيه وفيللا
***
جرانين ومسارح وادارة
ومعلق طبلة وزماره
يسلك أهو بيزمر
يعطل يجيبوا له المنفيلا
واترستق هلاب الدين
بقى عاقل جدا ورزين
ويا عينى علينا يا مجانين
عشنا ومتنا بعله

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:46 pm

قصيدة جديدة للفاجومى فؤاد نجم مهداة إلى الرئيس مبارك وعائلته عن حال البلاد والعباد في عهده ..
عليا الحرنكش يا ريس مبارك
في عصر مزركش ملون بنارك
لابايعك وأبايع حكومة حمارك
ملعون أبو اللي يقاطع قرارك
نهاره مقندل وليله مبارك
فهمبك وهجص وطلع في ديننا
أكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللي جالنا
نسيمها في عصرك بيشوي في بدنا
أؤيد وأبايع فخامة جلالتك
وأيد أي واحد بيمسح ريالتك



ولأنك سر باتع هاننسى هبالتك
فأقعد ياريس ودلل حمامتك
حمامة السلام حمامتك
سلامة الحمامة وسلامتك يا ريس
ياريس حمامة ياريس كويس
على تل مصر ياريتك تهيص
خرابة فسيحة عليها تمتيس
وأأمر تطاع فشعبك مفيص

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 6:47 pm

مقابلة احمد فؤاد نجم مع نيويورك تايمز
"ده حبيبي" قالها أحمد فؤاد نجم و هو يقبل الرأس المحنط لسلحفاة ميتة بلطف, ثم ربت على قوقعتها ووضعها برفق جانبا.
كان نجم على سطح البناية التي تحوي شقته عاليا بعيدا عن حي المقطم الغارق في الفوضى والقاذورات, حيث تخلص من الرسميات وقدم نفسه كرجل يحب سلحفاة.
"المجد للناس المجانين / في العالم الغبي" هي كلمات مكتوبة بعناية باللون الأصفر على الحائط بجوار السلحفاة مباشرة, وهي من كلماته – كلمات الشاعر الذي كان دائم الإنتقاد الحاد للسلطة والذي قضى 18 سنة من عمره البالغ 76 سنة في السجن بسبب رفض رؤساء مصر لكتاباته.
كان اللقاء مع نجم عبارة عن حفاوة بالغة وقبلة وتعليق وقليل من الشعر, وأحمد فؤاد نجم هو أحد الشعراء المصريين الأكثر شهرة ويقارب عمره الأربعة عقود, ويشار إليه على أنه أول من يكتب باللغة العامية المصرية, وأعتاد نجم منذ عهد جمال عبد الناصر وحتى جمال مبارك (ابن الرئيس الحالي حسني مبارك) على وغز كل من يشعر بأنهم السبب في الوصول بالدولة - التي كانت عظيمة يوما ما - إلى ورطة الفقر واللامبالاة التي يتجلى عرض مظاهرها في الساحة النتنة تحت سطحه.
و قد كتب نجم قصيدة "مبروك يا عريسنا" ذائعة الرواج عن خطبة جمال مبارك مؤخرا من فتاة أصغر منه بحوالي 20 سنة "يا أبو شنة ورنة/ يا واخدنا وراثة/ أطلب وأتمنى / وأخرج من جنة / أدخل على جنة / مش فارقة معانا..."
يعد نجم أشبه ببطل شعبي في مصر, وبقي محافظا على شهرته حتى بعدما تحول الشارع – شارعه – بعيدا عن رؤيته العلمانية الشاملة للحداثة, كما أن التغيرات التي طرأت على الشارع زادت من احتقاره للنخبة الحاكمة, فقد قال أن حكومتهم الغير شرعية جعلت من الصعب تمييز الهوية المصرية وأخذت تعرفها أكثر في إطار الدين.
قال نجم مسترجعا واحدة من موضوعاته المفضلة: "يدير الحكومة دائما فراعنة, ولكن في الماضي كان الفراعنة شرفاء" وأضاف "الآن مصر يحكمها عصابة, يتزعمها حسني مبارك, وهو مستمر في حكمه لأن أمريكا وإسرائيل تدعمانه, ولكنه لا يحظى بتأييد الشارع".
ربما عدم احترامه للسلطة وتسخير صوته للرغبة في العدل هو ما يحافظ على شعبيته و يزيد من مبيعات كتبه وهو الذي أدى مؤخرا أيضا إلى استلهام مسرحية بعنوان "الملك هو الملك" تقوم على سرد قصائده.
ضحك نجم و دخن سيجارته الميريت الخفيفة وهو يصعد السلم الخشبي المتهالك عبر فتحة ضيقة في سقف شقته الواقعة في بلوك سكني عام, فهو يحب التدخين, ويحب إطلاق اللعنات, ويحب أن يتباهى مع غمزة وضحكة أنه تزوج ست مرات وأن زوجته الحالية في الثلاثين من عمرها وأن زينب ابنته الصغرى التي تبلغ من العمر 11 سنة ليست مضطرة للخضوع للممارسات الدينية التي شاع انتشارها في بلاده في السنوات الأخيرة.
يقول نجم "أنا حر" وهو يهرش في رأسه بأظافره الطويلة المقلمة بعناية "أنا لا أخاف من أحد لأني لا أريد شيء من أحد"
ثم نظر من مكانه فوق السطح إلى الأسفل على كومة من القمامة المتعفنة, حيث يتبارى الأطفال والحمير على كسب فتات الطعام, وأخذ يرثي ما آل إليه الحال في مصر.
قال: "هذه ليست مصر" وأضاف "أنا أبكي وأندب مصر"
ثم عاد إلى طيشه.
وصاح مناديا عبر الستة طوابق "قهوة" وطلب بصوته الخشن بسبب إفراطه في التدخين "هاتوا شاي عند عم أحمد".
هكذا يسميه الناس "عم أحمد"
لم يتلق نجم تعليما رسميا, وللحقيقة عندما كان شابا في القاهرة حبس أكثر من مرة بتهمتي السرقة والتزوير, ولكن هناك وراء قضبان السجن أكتشف ذلك الرجل النحيف ذو الوجه الطويل والأنف الكبير أن له صوتا.
في سنة 1959 نشر مجموعته الشعرية "صور من الحياة والسجن" والتي كتبها وهو مسجون بتهمة السرقة, وبعد ذلك بسنوات قليلة, بعد خروجه من السجن, كون ثنائي مع المطرب الشعبي الكفيف إمام عيسى وقاما معا بعمل أدوار هزلية ساخرة لاقت إقبالا شعبيا ضخما وعداوة من رئيس الدولة.

"دولة مصر غارقة في الأكاذيب"، كتبها نجم بعد هزيمة العرب على أيدي إسرائيل سنة 1967.

"الحمد لله خبطنا تحت بطاطنا

يا محلا رجعة ضباطنا من خط النار

يا أهل مصر المحمية بالحرامية

الفول كتير والطعمية

والبر عمار

ح تقول لي "سينا".. وما "سيناشي".

ما تدوشناشي

ما ستميت أتوبيس ماشي

شاحنين أنفار

إيه يعني شعب في ليل ذله

ضايع كله

دا كفاية بس أما تقوله

إحنا الثوار!"

حاولت مصر تحقيق القومية العربية في عهد عبد الناصر, وحاولت التوصل لسلام مع إسرائيل في عهد السادات, وقد حبس كل من الرجلين أحمد فؤاد نجم بسبب استهزائه بحكومة كل منهما, أما الرئيس مبارك الذي تجنب التحركات الجريئة لأسلافه فلم يحبس نجم بعد, ولكن لم يمنع ذلك ازدراء نجم له.
وعندما وصل إلى أسماعنا صوت حمار ينهق في الحي, قال نجم بملامح جامدة "مبارك يلقي خطبة"
قليلون جدا في (مصر- مبارك) هم الذين يستطيعون التكلم بهذه الطريقة, خصوصا مع صحفي أجنبي, لكن نجم يسعد بأن يكون ثرثار , ساخرا وغير ملتزم سياسيا لدرجة خطيرة.
قال نجم عن رؤساء الدول العربية "هم ليسوا حكاما, هم كلاب" وأضاف "أنا أتحدى كل ملوكنا وزعمائنا أن يسيروا في الشارع دون حراسهم لمدة خمس دقائق"

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
Jane
مشرفة قسم الروايات والمجالات العامة
مشرفة قسم الروايات والمجالات العامة


انثى
عدد الرسائل : 2491
الأوسمه :
السٌّمعَة : 13
نقاط : 3622
تاريخ التسجيل : 20/04/2008

مُساهمةموضوع: رد: قصائد الشاعر المصري الكبير احمد فؤاد نجم   السبت مايو 03, 2008 8:41 pm

ومع الاسف جيفارا مااااااااااااااااااااااااااااات
الرجوع الى أعلى الصفحة اذهب الى الأسفل
Lames Abd El Nour
عبقرية العالم
عبقرية العالم


انثى
الحمل عدد الرسائل : 3778
العمر : 26
العمل/الدراسة : Teaching Assistant Engineering college
الاقامة : Canada - Nova Scotia
الأوسمه :
السٌّمعَة : 38
نقاط : 13415
تاريخ التسجيل : 02/04/2008

مُساهمةموضوع: رد: قصائد الشاعر المصري الكبير احمد فؤاد نجم   الأحد مايو 04, 2008 4:48 pm

ميرسي جدا يا فطوم مجهود رائع
انا اسفة وياريت تكوني مش زعلانين مني عشان موضوع التوبيك
اسفة بجد جدا

_________________
الرجوع الى أعلى الصفحة اذهب الى الأسفل
فاطمة عمر
مشرفة قسم اللغة العربية
مشرفة قسم اللغة العربية


انثى
السرطان عدد الرسائل : 1887
العمر : 32
السٌّمعَة : 5
نقاط : 3172
تاريخ التسجيل : 13/04/2008

مُساهمةموضوع: رد: قصائد الشاعر المصري الكبير احمد فؤاد نجم   الأحد مايو 04, 2008 4:53 pm

لا ولا يهمك انا مزعلتش والله

_________________
+. عـلـمـنـــي غموضي .+.
أن لكل داء دواء أمر منه
إلا رهف الإحساس و رقة المشاعر
التي لم ولن تستطيع مسايرة الواقع الأليم

url=http://www.0zz0.com][/url]
عضوة حلف الكتاكيت
الرجوع الى أعلى الصفحة اذهب الى الأسفل
Lames Abd El Nour
عبقرية العالم
عبقرية العالم


انثى
الحمل عدد الرسائل : 3778
العمر : 26
العمل/الدراسة : Teaching Assistant Engineering college
الاقامة : Canada - Nova Scotia
الأوسمه :
السٌّمعَة : 38
نقاط : 13415
تاريخ التسجيل : 02/04/2008

مُساهمةموضوع: رد: قصائد الشاعر المصري الكبير احمد فؤاد نجم   الثلاثاء مايو 06, 2008 4:11 am

جميل جدا ميرسي اوي ربنا يبارك مجهودك

_________________
الرجوع الى أعلى الصفحة اذهب الى الأسفل
Love Angel
برنسيسة المنتدى
برنسيسة المنتدى


انثى
عدد الرسائل : 4070
السٌّمعَة : 2
نقاط : 3168
تاريخ التسجيل : 08/04/2008

مُساهمةموضوع: رد: قصائد الشاعر المصري الكبير احمد فؤاد نجم   الخميس أكتوبر 09, 2008 12:09 pm

ميرسى جداااااااااااا يا فط وم
بجد جميل اوووووووووووووى
تسلم ايدك يا قمر
hop
الرجوع الى أعلى الصفحة اذهب الى الأسفل
 
قصائد الشاعر المصري الكبير احمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
منتدى الجامعة العربية :: منتدى كلية الاداب والتربية :: منتدى اللغه العربية-
انتقل الى: